मनपा आयुक्त दीपक कासार यांच्या यांच्या आदेशानुसार प्रभाग अधिकारी सुनील खडके आणि कर्मचाऱ्यांनी मोहन चित्रपटगृहाचे मालक यश पांडे व दीपक पवार यांना जमावबंदीचा आदेश असताना चित्रपटगृहाच्या तिकीट खिडकीवर मोठ्या प्रमाणात गर्दी केल्याप्रकरणी नोटीस बजावली. सध्या चित्रपट दाखविण्यास मनाई करण्यात आली असली तरी चित्रपटगृहाचा परवाना देखील रद्द करण्याची कारवाई करण्यात येणार असल्याची माहिती देण्यात आली आहे.
हुल्लडबाजीचा व्हिडीओ व्हायरल
सध्या मालेगावी कोरोना बाधितांच्या संख्येत मोठ्या पमाणावर वाढ होत असतांना कोरोना नियमांना केराची टोपली दाखवत सिनेमाप्रेमी मालेगावकरांनी चित्रपटगृहाच्या तिकीट खिडकीवर गर्दी केली. ना मास्क, ना सुरक्षित अंतर अशा या हुल्लडबाजीचा व्हिडीओ सोशल मीडियावर व्हायरल झाला आहे. या प्रकाराची कॅम्प विभागाचे पोलीस उपअधीक्षक प्रदीपकुमार जाधव यांनी गंभीर दखल घेतली. चित्रपटगृहावर शुक्रवारी सिनेमाप्रेमी मालेगावकरांची मोठी गर्दी उसळली. प्रेक्षकांनी फिजिकल डिस्टन्सिंगचा फज्जा उडवत तिकीटबारीवर गर्दी केल्यामुळे ही कारवाई करण्यात आली आहे.
फोटो : २० माल : हा फोटो केवळ लोगो सारखा सिंगल कॉलम वापरणे