‘हद्दपारी’ रद्दमुळे निफाडचे प्रांत वादात

सारे काही अजबच : आठ गुन्हे करूनही कारवाईला स्थगिती

 नाशिक : पोलीसपाटील भरतीत मुक्तहस्ते ‘गुण’ उधळणाऱ्या आणि त्यामुळेच वादात सापडलेले निफाडचे प्रांत शशिकांत मंगरुळे आता एका गुन्हेगाराची हद्दपारी रद्द करण्याच्या मुद्द्यावरून वादात सापडले आहेत. विभागीय आयुक्त कार्यालयाने याप्रकरणाची प्रांताची खातेनिहाय चौकशी करण्याचे आदेश जिल्हाधिकाऱ्यांना दिले आहेत.मूळचे गोंडेगावचे असलेले संजय मल्हारी मते यांच्यावर निफाड पोलीस ठाण्यातील सात व आडगाव पोलीस ठाण्यातील एक अशा एकूण आठ प्रकरणात गुन्हे दाखल आहेत. त्यातही ३०६, ३०७ सारखे गंभीर गुन्हे दाखल असल्याने निफाड पोलीस निरीक्षक कार्यालयाने संजय दाते यांना नाशिकसह धुळे, जळगाव, अहमदनगर व नंदुरबार जिल्'ांतून हद्दपार करण्याचा प्रस्ताव निफाडचे प्रांत शशिकांत मंगरुळे यांच्याकडे सादर केला होता. यात संबंधित इसम संजय मल्हारी दाते यांच्यावर चांदोरी व सायखेडा परिसरात दादागिरी करणे, दहशत पसरविणे, हाणामारी करणे यासह गंभीर गुन्हे दाखल असल्याचे स्पष्ट केले होते.संजय दाते यांच्या विरोधात गुन्हा रजिस्टर नंबर ८८/२००३ नुसार भादंवि १४३, १४७, १४८, व ३०७, गुन्हा रजिस्टर नंबर १२७/२००५ नुसार भादंवि ३०६, ३८४, गुन्हा रजिस्टर नंबर २३/२००४ नुसार भादंवि १६०,गुन्हा रजिस्टर नंबर ११९/२०११ नुसार भादंवि २७९, ३०४(अ), गुन्हा रजिस्टर नंबर ९८/२०१३ नुसार भादंवि १४३,१४७,१४८,१४९, ३५४, गुन्हा रजिस्टर नंबर १८७/२०१४ नुसार भादंवि ३२५,३२३,५०४,५०६-३४, भद्रकाली पोलीस ठाण्यात ७६/२०११ भादंवि - ३२५, ३४१, ५०६ तसेच आडगाव पोलीस ठाण्यात ७०/२०१५ नुसार ३०७, १२० (ब) ३२३, ५०६ आदि स्वरूपात गुन्हे दाखल असल्याने संजय दाते यांना हद्दपार करण्याचा प्रस्ताव दाखल केला होता. त्या प्रस्तावास २६ फेब्रुवारी २०१६ रोजी निफाड प्रांत शशिकांत मंगरुळे यांनी स्थगिती दिली. स्थगितीचे कारण दोन गुन्'ात संजय दाते निर्दोष सुटल्याचे व अन्य गुन्हे वैयक्तिक स्वरूपाचे असल्याचे सांगत त्यामुळे संजय दाते यांना हद्दपार केल्यास तो नैसर्गिक न्यायाला धरून होणार नाही. मुळात गुन्हा हा गुन्हा असून, तो वैयक्तिक की सार्वजनिक अशी ‘फोड’ करण्याचे कारण काय? असा प्रश्न तक्रारकर्त्यांनी केला आहे. याच प्रकरणामुळे पोलीस आणि महसूल यांच्यात निफाडमध्ये संबंध ताणले गेल्याची चर्चा आहे. (प्रतिनिधी)