लोकमत न्यूज नेटवर्क
इगतपुरी : मुंबई महामार्गावर पिंपरी फाट्याजवळ भरधाव ट्रकने रस्त्यावरून जाणाऱ्या बारा गायींना उडवले असून, त्यात नऊ गायी जागीच ठार झाल्या तर गंभीर जखमी झाल्या आहेत.
पोलीस सूत्रांनी दिलेल्या माहितीनुसार, नाशिकहून मुंबईकडे भरधाव जाणाऱ्या ट्रकने (क्र. एमएच १५ एफव्ही ५८५०) पिंपरी फाट्याजवळ पार्वती पेट्रोलपंपसमोर जाणाऱ्या गायींना धडक दिली. यात नऊ गायींचा जागेवरच मृत्यू झाला, तर तीन गायींना पशुवैद्यकीय अधिकारी यांनी तातडीने घटनास्थळी येऊन उपचार सुरू केले. या घटनेमुळे महामार्गावरील मुंबईकडे जाणारी वाहतूक सुमारे तासभर ठप्प झाली होती. यावेळी स्थानिक नागरिकांनी मदतकार्य करत जखमी गायींना प्राथमिक उपचारासाठी वाडीवऱ्हे येथील गोशाळेत दाखल केले. इगतपुरी पोलीस व वाहतूक पोलीस यांनी तात्काळ घटनास्थळी धाव घेऊन वाहतूक सुरळीत केली.
फोटो- १४ पिंपरी ॲक्सिडेंट
===Photopath===
140621\14nsk_45_14062021_13.jpg
===Caption===
फोटो- १४ पिंपरी ॲक्सीडेंट