नाशिक : सातपूर परिसरातील एका सराईत गुन्हेगाराकडून शहर पोलीस गुन्हे शाखेच्या युनिट दोनने दीड लाख रुपयांचा मुद्देमाल जप्त केला आहे़ अक्षय भारती असे या गुन्हेगाराचे नाव असून, त्याच्याकडून जप्त करण्यात आलेल्या मुद्देमालामध्ये १३ महागड्या मोबाइलसह चारचाकी वाहनांच्या चार बॅटºयांचाही समावेश आहे़युनिट दोनचे पोलीस निरीक्षक नीलेश माईनकर यांना सातपूर गाव खोका मार्केट ते अमरधाम रोडवरील श्याम अहेर यांच्या पडक्या घरात अक्षय भारती हा मोबाइलची विक्री करीत असल्याची माहिती मिळाली होती़ पोलीस उपनिरीक्षक सहारे, पोलीस नाईक महाजन, नांद्रे, सानप यांनी सापळा रचून अक्षय भारती यास ताब्यात घेतले़पोलिसांनी भारतीकडून १३ महागडे फोन व चार बॅटºया असा एकूण दीड लाख रुपयांचा मुद्देमाल जप्त केला असून, त्याच्यावर सातपूर पोलीस ठाण्यात गुन्हा दाखल करण्यात आला आहे़
संपर्क साधाज्या नागरिकांचे मोबाईल चोरी झालेले असतील त्यांनी पाथर्डी फाट्यावरील गुन्हे शाखेच्या युनिट दोनच्या कार्यालयाशी संपर्क साधावा़- नीलेश माईनकर, पोलीस निरीक्षक़