नाशिक : पायी जात असलेल्या इसमाचा मोबाइल खेचून पळ काढणाऱ्या संशयितांपैकी पवन भगतराम खत्री (२३, रा. काळाराम मंदिराजवळ, पंचवटी) याच्यासह आणखी एकास गंगापूर पोलिसांनी शनिवारी (दि़२१) अटक केली़ यामध्ये एका विधिसंघर्षित बालकाचा समावेश असून, प्रमुख संशयित फरार झाला आहे़ सुमित अशोक राऊत (२३) हा युवक शुक्रवारी (दि़२०) रात्री साडेनऊ वाजेच्या सुमारास गंगापूर रोडवरील सहदेवनगरमधून मोबाइलवर बोलत पायी जात होता़ यावेळी दुचाकीवरून आलेले संशयित पवन खत्री, प्रशांत शेखर (पंचवटी) व विधिसंघर्षित बालक या तिघांनी राऊतकडील दहा हजार रुपये किमतीचा मोबाइल खेचून नेला़ या प्रकरणी गंगापूर पोलीस ठाण्यात जबरी चोरीचा गुन्हा दाखल करण्यात आला होता़ गंगापूर पोलिसांनी जबरी चोरीचा सखोल तपास करून पंचवटीतील खत्री व विधिसंघर्षित बालकास ताब्यात घेतले़ या दोघांची झडती घेतली असता त्याच्याकडे चॉपरही आढळून आला़ (प्रतिनिधी)
मोबाइल खेचणाऱ्या संशयितास अटक
By admin | Updated: January 23, 2017 22:55 IST