ठळक मुद्देअनोळखी इसमाने चाकूने केला हल्ला
ओझर : येथील व्यापारी गोपाल धामट (४८) यांच्यावर शनिवारी सकाळी चाकूहल्ला झाल्याची घटना घडली.संकेत रघुनाथ धामट, रा. ओझर यांनी दिलेल्या फिर्यादीत येथील द्राक्ष व्यापारी गोपाल जगन्नाथ धामट हे शनिवारी सकाळी १० ते ११ वाजेच्या दरम्यान सायखेडा फाट्याजवळील धामटनगर येथील कार्यालयात असताना अनोळखी इसमाने त्यांच्यावर चाकूने हल्ला केला.
यात धामट यांच्या गळ्याच्या उजव्या बाजूला गंभीर दुखापत झाली. त्यांना तातडीने नाशिक येथील एका खासगी रु ग्णालयात दाखल करण्यात आले. त्यांना गंभीर दुखापत झाली आहे. हल्ल्याचे कारण अद्याप समजू शकलेले नाही. ओझर पोलीस ठाण्यात हल्ला करणाºया अनोळखी इसमाविरु द्ध गुन्हा दाखल करण्यात आला आहे. पुढील तपास पोलीस निरीक्षक राजकुमार उपासे हे करीत आहेत.