मालेगाव कॅम्प : मामको बॅँक निवडणुकीत परस्परांविरोधात उभ्या ठाकलेल्या दोन्ही पॅनलला अपक्षांमुळे पॅनेलच्या उमेदवारांची डोकेदुखी वाढली आहे. अपक्षांना पडणाऱ्या मतांमुळे दोन्ही पॅनलच्या उमेदवारांना दगा फटका होणार असल्याची मतदारांमध्ये चर्चा सुरू आहे. सहकार व आपलं पॅनलचे गटनिहाय ३८ उमेदवार आहे. तर यांच्या सोबत निवडणुकीच्या आखाड्यात सातअपक्ष उमेदवार आहेत. काही उमेदवारांना पॅनलमध्ये घेण्याचे आश्वासन देऊनही उमेदवारी न मिळाल्याने त्यांनी बंड करीत अपक्ष उमेदवारी दाखल केली.(वार्ताहर)सात अपक्ष उमेदवारांपैकी काहींचा जनसंपर्क चांगला आहे. दिग्गज उमेदवारांना यांचा फटका बसू शकतो. या अपक्षांना पॅनलमध्ये न घेतल्यामुळे त्यांना पडणाऱ्या मतांची विभागणी होऊन पॅनलला पडणाऱ्या मतांची आकडेवारीचा अंदाज चुकणार आहे. त्यामुळे हे अपक्ष कुठल्या उमेदवाराच्या निवडणूक हरण्याचे कारण बनतात हे येत्या २ नोव्हेंबर रोजी मतमोजणीच्या दिवशी कळणार आहे. (वार्ताहर)
मामको निवडणुकीत अपक्षांची डोकेदुखी
By admin | Updated: October 29, 2015 22:40 IST