मानधनातून बसविणार एलईडी दिवे

मानधनातून बसविणार एलईडी दिवे

नाशिकरोड : येथील प्रभाग ५९ च्या नगरसेविका संगीता गायकवाड यांनी मनपाकडून मिळणारे मानधन व स्वखर्चाने प्रभागात १०० एलईडी दिवे लावण्याचा निर्णय घेतला आहे.नगरसेविका संगीता गायकवाड यांनी मनपाकडून मिळालेले मानधन व स्वखर्चाने प्रभाग ५९ मधील आनंदनगर, गुलमोहर कॉलनी, मनपा शाळा क्र. १२५ च्या मैदानावर १०० एलईडी दिवे लावण्याचा निर्णय घेतला आहे. संबंधित एलईडी दिवे लावण्यास परवानगी देण्यात यावी, अशी मागणी गायकवाड यांनी मनपा आयुक्त डॉ. प्रवीण गेडाम व विद्युत विभागाचे कार्यकारी अभियंता शरद बनकर यांच्याकडे केली आहे. तेथील लाईट्सची फिटिंग इतरत्र जेथे प्रभागात गरज आहे त्या भागात लावण्यात येणार आहे. यामुळे येत्या काही महिन्यात प्रभाग ५९ मधील अंधाराचा प्रश्न मार्गी लागणार आहे. यापूर्वीदेखील गायकवाड यांनी स्वखर्चातून प्रभागात काही ठिकाणी सीसीटीव्ही कॅमेरे बसविले आहेत. त्या कॅमेऱ्यांची पोलिसांना काही गुन्ह्यांचा तपास करताना मोठी मदत झाली होती. एलईडी दिव्यांमुळे मनपाच्या विजेच्या बिलात कपात होणार आहे. (प्रतिनिधी)