दिंडोरी येथील चंद्रभागा संपत शेवाळे यांनी तक्रार दाखल केली आहे. शेवाळे या कामानिमित्त शहरात आल्या होत्या. बुधवारी (दि.३१) दुपारी परतीच्या प्रवासासाठी सीबीएस बसस्थानकात दिंडोरी येथे जाण्यासाठी त्या कळवण बसमध्ये चढत असताना गर्दींची संधी साधत अज्ञात भामट्यांनी त्यांची पोत हातोहात लांबविली.
---------
सिडकोत टोळक्याची मारहाण
नाशिक : लहान मुलांच्या खेळण्याच्या कारणातून चार जणांच्या टोळक्याने एकास बेदम मारहाण केल्याची घटना सिडकोतील शिवशक्ती चौकात घडली. या घटनेत टोळक्याने लोखंडी रॉडचा वापर केल्याने एक जण जखमी झाला असून याप्रकरणी अंबड पोलीस ठाण्यात गुन्हा दाखल करण्यात आला आहे.
प्रकाश राजाराम चौधरी,गणेश प्रकाश चौधरी,चंद्रकांत राजाराम चौधरी व पवन अर्जुन चौधरी (रा.शिवशक्ती चौक,सिडको) अशी संशयितांची नावे आहेत. याप्रकरणी संजय राजाराम महाकाळ यांनी तक्रार दाखल केली आहे. संशयित आणि तक्रारदार एकमेकांचे शेजारी असून महाकाळ यांची लहान मुले अंगणात खेळत असताना संशयितांनी त्यांच्या अंगावर पाणी टाकून शिवीगाळ केली. याबाबत महाकाळ यांनी जाब विचारला असता ही घटना घडली.
-------
पाय घसरून पडल्याने मृत्यू
नाशिक : घरात पाय घसरून पडल्याने महिलेचा मृत्यू झाल्याची घटना देवळाली गावात घडली. याप्रकरणी उपनगर पोलीस ठाण्यात मृत्यूची नोंद करण्यात आली आहे. अंजली संजय जोशी (वय ५०, रा.जोशीवाडा) असे मृत महिलेचे नाव आहे. जोशी या बुधवारी (दि.३१) सायंकाळी घरकामात व्यस्त असताना अचानक पाय घसरून पडल्या होत्या. या घटनेत त्यांच्या डोक्यास मार लागल्याने कुटुंबीयांनी त्यांना तात्काळ बिटको रुग्णालयात दाखल केले असता वैद्यकीय सूत्रांनी मृत घोषित केले.