गंगापूररोडला घरफोडीत लाखाचा ऐवज लंपास

गंगापूररोडला घरफोडीत लाखाचा ऐवज लंपास

 नाशिक : बंद घराचा कडीकोयंडा तोडून चोरट्यांनी सोन्या-चांदीच्या दागिन्यांसह एक लाख रुपयांचा ऐवज चोरून नेल्याची घटना गंगापूररोड परिसरातील डीकेनगर परिसरात घडली़ निर्मला कॉन्व्हेंटमागील रेखांकित सोसायटीतील रहिवासी इंदिरा बस्वराज (५२) कुटुंबीयांसह बाहेरगावी गेल्या होत्या़ ही संधी साधून चोरट्यांनी त्यांच्या घराचा कडीकोयंडा तोडून घरात प्रवेश केला़ तसेच घरातील लोखंडी कपाटात ठेवलेले सोन्या-चांदीचे दागिने, साडेपाच हजार रुपये रोख, घड्याळ असा एक लाख २,५०० रुपयांचा ऐवज चोरून नेला़ या प्रकरणी घरफोडीचा गुन्हा दाखल करण्यात आला आहे़ (प्रतिनिधी)