इगतपुरीच्या प्रभारी नगराध्यक्षपदी कर्पे

इगतपुरीच्या प्रभारी नगराध्यक्षपदी कर्पे

इगतपुरी : इगतपुरी नगर परिषदेच्या प्रभारी नगराध्यपदी सतीश कर्पे यांची निवड करण्यात आली. विद्यमान नगराध्यक्ष संजय इंदुलकर हे दोन महिन्यांसाठी रजेवर गेल्याने प्रभारी नगराध्यक्ष पदासाठी निवडणूक प्रक्रिया घेऊन कर्पे यांच्याकडे कार्यभार सोपावण्यात आला आहे. इगतपुरी नगर परिषदेत सध्या शिवसेनेची सत्ता असून, सेनेकडे ११ नगरसेवक आहे. दरम्यान विद्यमान नगराध्यक्ष इंदुलकर यांनी विश्रांती रजेवर जाण्यापूर्वी सेनेच्या सर्व नगरसेवकांना विश्वासात घेऊन रजेबाबतचे लेखी निवेदन मुख्याधिकारी निवृत्ती नागरे यांच्याकडे दिले. सत्ताधारी गटातर्फे सतीश कर्पे यांचा एकमेव अर्ज दाखल झाला. यावेळी शिवसेनेच्या सर्वच नगरसेवकांनी प्रभारी नगराध्यक्षपदासाठी कर्पे यांना हात उंचावून पसंती दिली. त्यानंतर कर्पे यांची या पदासाठी वर्णी लागली. यावेळी नगरसेवक सुनील रोकडे, शशी उबाळे, जनाबाई खातळे, ज्ञानेश शिरोळे, रूक्मीणी डावखर, रत्नमाला जाधव, संगिता वारघडे, निलीमा सोनवणे, अलका चौधरी, माजी नगरसेवक रशीद खान, रिपाइंचे प्रदेश उपाध्यक्ष राजेंद्र गुप्ता, लक्ष्मण कांबळे, माधव अवसरकर यांच्यासह शिवसेनेचे पदाधिकारी उपस्थित होते. दरम्यान कर्पे यांच्या निवडीनंतर कार्यकर्त्यांनी आंनदोत्सव साजरा केला. (वार्ताहर)