नाशिक : जैन सोशल ग्रुपच्या वतीने धनदाई लॉन्स येथे विद्यार्थी पारितोषिक वितरण सोहळ्याचे आयोजन करण्यात आले होते. याप्रसंगी विज्ञानाची विविध प्रात्यक्षिके विद्यार्थ्यांनी सादर केली. या कार्यक्रमाची मध्यवर्ती कल्पना विज्ञान ठेवण्यात आल्याने विद्यार्थी व पालकांना विज्ञानाची प्रात्यक्षिके व नासाच्या फिल्म, क्लिप्स दाखविण्यात आल्या. याप्रसंगी प्रमुख अतिथी म्हणून वैंकी कटारिया, संतोष मंडलेचा, लखीचंद पारख, पद्माबाई साखला आदी उपस्थित होते. प्रणय संचेती यांनी प्रास्ताविक केले. यावेळी विविध क्षेत्रातील गुणवंत विद्यार्थ्यांचा मान्यवरांच्या हस्ते गौरव करण्यात आला. याप्रसंगी परेश बागरेचा, सुमती मंडलेचा, संतोष मुथा, जितेंद्र चोरडिया, सचिन गांग, हेमंत दुगड, मनोज गंगवाल, रोशन पहाडे, विकिशा ओस्तवाल, रुचिता बेदमुथा, सुरभी जालोरी, विजय लोहाडे आदी उपस्थित होते.
जैन सोशल ग्रुपतर्फे विज्ञानाची प्रात्यक्षिके
By लोकमत न्यूज नेटवर्क | Updated: July 31, 2017 00:51 IST