लासलगाव:.इस्लाम धर्माचे पैगंबर हजरत मोहम्मद(स)यांच्या जयंतीनिमित्त लासलगाव येथे बुधवारी जुलूस काढण्यात आला.सकाळी जामा मशीद येथून जुलूस ची सुरवात करण्यात आली.पिंपळगाव(नजीक)जोशीवाडा,इंदिरानगर,रजा नगर व लासलगाव रेल्वे स्टेशन या ठिकाणी पताका व ध्वजाने परिसर सजविण्यात आले होते.जुलूस ची सांगता ईदगाह मैदान येथे झाली या वेळी सामुदायिक नियाज शरीफ व धार्मिक कार्यक्र माचे आयोजन करण्यात आले होते.या वेळी मौलाना फारूक अशरफी,मौलाना महमूद आलम,हाफिज तौफिक,मौलाना नूरमोहम्मद यांनी पैगंबरांच्या जीवनावर उपस्थित मुस्लिम बांधवाना मार्गदर्शन केले.लासलगाव शहर काँग्रेस कमिटी,राष्ट्रवादी काँग्रेस पक्ष तसेच शिवसेना व आरपीआय पक्षाच्या वतीने मौलाना साहेबांचा सत्कार करण्यात आला.या वेळी गुणवंत होळकर, विकास चांदर,युवराज होळकर,विजय भंडारी,पंकज आब्बड, प्रकाश पाटील,उत्तम वाघ, बबन शिंदे ,रामनाथ शेजवळ आदी उपस्थित होते.