आयुक्तांच्या हस्ते पंचवटी पोलीस कर्मचाऱ्यांचा गौरव

पोलीस आयुक्त पाण्डेय यांनी पंचवटी पोलीस ठाण्याला यांनी भेट देत उत्कृष्ट कामगिरी करणाऱ्या कर्मचाऱ्यांचा गौरव केला. व्यासपीठावर सहायक पोलीस आयुक्त प्रदीप जाधव, वरिष्ठ पोलीस निरीक्षक अशोक भगत, अशोक साखरे, तसेच आडगाव पोलीस ठाण्याचे वरिष्ठ पोलीस निरीक्षक इरफान शेख, उपस्थित होते. चांगली कामगिरी करणाऱ्या कर्मचाऱ्यांच्या कामाची दखल घेऊन त्यांना शाबासकी दिली, तर आगामी कालावधीत काम करताना कर्मचाऱ्यांचे मनोबल वाढते म्हणून उत्कृष्ट कामगिरी करणाऱ्या कर्मचाऱ्यांचे कौतुक केले पाहिजे, असे मत पाण्डेय यांनी यावेळी व्यक्त केले. यावेळी पंचवटी पोलीस ठाण्याचे गुन्हा शोध पथक सहायक पोलीस निरीक्षक सत्यवान पवार, हवालदार शेखर फरताळे, बाळनाथ ठाकरे, अंकुश सोनजे, राकेश शिंदे, राजेंद्र सोळसे, विलास चारोस्कर, कुणाल परचोरी, आडगाव पोलीस ठाण्याचे पोलीस निरीक्षक इरफान शेख, सुरेश नरवाडे, राकेश बनकर, वाढवणे, भीमा गायकवाड आदींचा प्रमाणपत्र देऊन गौरव करण्यात आला. (फोटो २६ पंचवटी)