गेल्या काही दिवसांपासून ते आजारी होते. दोन/तीन दिवसांपासून त्यांची तब्येत अत्यवस्थ बनली होती. गुरुवारी पहाटे भैरवनाथ महाराज मंदिरातील काकड आरती सुरू होत असतानाच त्यांचे निधन झाले. त्यांच्या पश्चात दोन भाऊ, नातू व संपूर्ण राज्यभर हजारो भक्तगण असा परिवार आहे. सिन्नर शहरातील भैरवनाथ मंदिरात श्री हरिनाम सप्ताहाचे त्यांच्या नेतृत्वाखाली गेल्या ४४ वर्षांपासून आयोजन करण्यात येत होते. तर तळ्यातील भैरवनाथ मंदिरात ६० वर्षांपासून हरिनाम सप्ताहाचे आयोजन करण्यात येते. या दोन्ही धार्मिक सोहळ्याला विशेष महत्त्व आहे. अनेक धार्मिक सोहळ्यांना त्रंबक बाबा यांना विशेष मान होता. भैरवनाथ मंदिरात सकाळची काकड आरती अनेक वर्षांपासून त्यांच्याच नेतृत्वाखाली सुरू झाली. भैरवनाथ मंदिर, मोठा गणपती यासह अनेक मंदिरांचा जीर्णोद्धार त्यांच्याच नेतृत्वाखाली करण्यात आला. थोरले बाजीराव पेशवे पतसंस्थेने त्यांचा सिन्नर भूषण पुरस्कार देऊन गौरव केला होता. यासह अनेक पुरस्कारांनी त्यांना गौरविण्यात आले होते. बाबांच्या निधनाने सिन्नरसह राज्यभरातील त्यांच्या भक्त परिवारावर शोककळा पसरली आहे.
फोटो- ह.भ.प. त्र्यंबकबाबा भगत
----------------------------------
कोट....
ह.भ.प. त्र्यंबकबाबा भगत यांच्या निधनाने अध्यात्म क्षेत्रातील ज्येष्ठ मार्गदर्शक हरपला आहे. राज्यभरात त्यांचा भक्त परिवार होता. त्यांच्या निधनाने राज्यभरातील वारकरी संप्रदायाची कधीही न भरून निघणारी हानी झाली आहे.
- छगन भुजबळ, पालकमंत्री
090921\09nsk_22_09092021_13.jpg
फोटो- ह. भ. त्र्यंबकबाबा भगत