नाशिक महापालिकेच्या बससेवेला अखेरीस नव्या वर्षात प्रारंभ हेाणार असून, २६ जानेवारीपासून पन्नास बसेस रस्त्यावर येणार आहेत. आयटीएमएस म्हणजेच इंटीलेजंट ट्रफिक मॅनेजमेंटसारख्या प्रगत तंत्रज्ञानाचा वापर करून ऑनलाइन तिकीट काढणे किंवा बुकिंगसह असलेली ही पहिल्याच प्रकारची सोय असणार असल्याने या सेवेविषयी उत्कंठा आहे.
- दोनशे सीएनजी तर पन्नास मिनी डिझेल बस सुरूवातीला असतील. पाच टप्प्यांत ही सेवा असणार आहे. सुरुवातीला नऊ मार्गांवरून ही सेवा सुरू होईल.
- दीडशे इलेक्ट्रिकल बस सुरू करण्याचाही प्रस्ताव आहे. मात्र, केंद्र शासनाने पन्नास बससाठीच अनुदान देण्याचे धोरण ठरवल्याने तूर्तास हा विषय प्रतीक्षेत आहे.
---------
एचएएलला नाइट पार्किंग
नाशिकसाठी ओझर विमानतळावरून हवाई सेवा सुरू झाल्यानंतर आता या ठिकाणी आता नाइट पार्किंगला परवानगी मिळाली आहे. गेल्या आठ ते दहा वर्षांपासून हा विषय प्रतीक्षेत होता.
राज्य शासनाने परवानगी दिल्यानंतर एचएएल व्यवस्थापनाकडे हा विषय गेला हेाता. त्यास यंदा मंजुरी मिळाली. सुरुवातीला या ठिकाणी सहा विमानाने रात्री राहू शकतील. या सेवेमुळे नाशिकमध्ये अशी विमाने प्रवासी घेऊन येतील आणि नंतर सकाळी ते प्रवासीही नेणार असल्याने अनेक शहर, राज्य आणि आंतरराष्ट्रीय शहरांशी नाशिक जोडले जाऊ शकेल.
-----------
शहरात अडीचशे कोटी रुपयांचे रस्ते
- नाशिक शहरात अडीचशे कोटी रुपयांचे रस्ते करण्यात येणार असून, बहुतांश रस्ते हे नाशिक शहरातील कॉलनी आणि ग्रामीण भागात असणार आहेत. त्यामुळे मोठी गैरसोय दूर हेाणार आहे.
- नाशिक महापालिकेच्या बिटको रुग्णालयात १२ नवीन पदव्युत्तर शिक्षणक्रम सुरू होणार असून, त्यामुळे २४ डॉक्टर्स उपलब्ध होणार आहेत. त्यासाठी महापालिकेने मुंबईच्या सीपीएसशी सलग्न शिक्षणक्रम असतील. त्यामुळे महापालिकेला मनुष्यबळाची मदत होत आहे.
- शहरातील वाहनतळाची कोंडी फोडण्यासाठी स्मार्ट सिटी अंतर्गत स्मार्ट पार्किंग नवीन वर्षात सुरू होणार आहे. २८ ऑन स्ट्रीट आणि पाच ठिकाणी ऑफ स्ट्रीट स्वरूपाची ही पार्किंग असेल. नागरिकांना ॲपवरून वाहनतळाची जागा आरक्षित करता येणार आहे.
- शहरातील प्रलंबित सीसीटीव्ही बसविण्याच्या कामांना नव्या वर्षात प्रारंभ होणार आहे. शहरातील ४६ चौक म्हणजेच ज्या ठिकाणी सिग्नल्स आहेत, तेथे सर्व प्रथम सीसीटीव्ही बसविण्यात येणार आहे. त्यानंतर, शहरातील अन्य भागात आणि महत्त्वांच्या मार्गावर सीसीटीव्ही बसविण्यात येणार आहे.
------
नाशिक शहरात सीएनजीचे इंधन
केंद्र शासनाच्या धोरणानुसार आता नाशिकमध्ये महाराष्ट्र नॅचरल गॅस एजन्सी ही शासन अंगीकृत संस्था सीएनजी गॅस आणत असून, त्यामुळे वाहनांसाठी पर्यावरणस्नेही इंधन उपलब्ध हेाणार आहे. शहरात दोन ठिकाणी सीएनजी पंप सुरू झाले असले, तरी द्रव रूप गॅस भरून आणावा लागतो. पालघर येथून नाशिक शहरातील विल्होळी येथे गॅस वहनासाठी पाइपलाइन टाकण्यात येणार आहे. त्यामुळे थेट नाशिकला गॅस येईल. विशेष म्हणजे गॅस केवळ वाहनांसाठीच नाही, तर घरगुती गॅससाठीही त्याचा वापर होऊ शकेल. त्यासाठी मेाठ्या गृहनिर्माण संस्थांमध्ये नोंदणीही सुरू झाली आहे.
----