गुजरातहून महाराष्ट्रात मोठ्या प्रमाणात गुटखा तस्करी होत असून गेल्याच आठवड्यात दिंडोरी पोलिसांनी लाखोंचा गुटखा पकडला होता. नाशिक-पेठ-धरमपूर मार्गाने गुजरातकडून चोरट्या मार्गाने बेकायदारित्या पिकअप (क्रमांक एमएच १५ एचएच १०८७) नाशिककडे येत असताना मिळालेल्या गोपनीय माहितीनुसार, गोळशी टोलनाक्यावर वाहतूक शाखेच्या पथकाने गाडी थांबवून तपासणी केली. यावेळी सुंगधी तंबाखू व विमल गुटखा गोण्या आढळून आल्या असून वाहनासह २१ लाख ८० हजार ९२० रुपयांचा मुदेमाल जप्त करण्यात आला आहे. सदर मुद्देमालासह वाहन दिंडोरी पोलिसांत जमा करण्यात आले असून, वाहनचालक मुझेद्दिम शेख याला ताब्यात घेण्यात आहे.
नाशिक ग्रामीण पोलीस अधीक्षक सचिन पाटील यांच्या आदेशान्वये पोलीस निरीक्षक दिनेश बर्डे यांच्या मार्गदर्शनाखाली पोलीस उपनिरीक्षक कैलास देशमुख, पोलीस नाईक सागर सौदागर, पोलीस कॉस्टेबल दत्तू शिंदे, रूपेश कांबळे, चालक शिंपी यांच्या पथकाने ही कारवाई केली आहे.
फोटो- ०८ दिंडोरी गुटखा
गोळशी फाटा येथे अवैध गुटखा व तंबाखू वाहतूकप्रकरणी संशयित आरोपीसमवेत पोलीस उपनिरीक्षक कैलास देशमुख, सागर सौदागर, दत्तू शिंदे, रूपेश कांबळे, दिलीप पगार, शिंपी आदी.