दिंडोरी : विविध पुरस्कारांसह नुकताच संत गाडगेबाबा ग्रामस्वच्छता अभियानात जिल्ह्यात प्रथम क्रमांक पटकविणाऱ्या गोंडेगाव येथील ग्रामस्थांनी बिनविरोध निवडणुकीची परंपरा कायम ठेवली.
जिप सदस्य तथा राष्ट्रवादी काँग्रेसचे तालुकाध्यक्ष भास्कर भगरे यांच्या नेतृत्वाखाली गोंडेगाव ग्रामपंचायतींची निवडणूक बिनविरोध करण्यात येऊन सहा जागांसाठी सहाच अर्ज दाखल करण्यात आले. निवडणूक बिनविरोध करण्यासाठी अनिल जाधव, पंडित भवर, अमर गोसावी, बाबूराव नाठे, छगन गोसावी, माधव गोसावी, मोतीराम भवर, रजाक पठाण, त्र्यंबक जाधव, अशोक जाधव, सुनील दवंगे,उत्तम गायकवाड, प्रकाश गांगुर्डे, संजय नाठे,भास्कर नाठे ,गोकुळ गांगुर्डे,रामभाऊ जाधव,दत्तात्रेय भवर आदींनी परिश्रम घेतले.
बिनविरोध सदस्य अनिल वसंत भगरे,पल्लवी भास्कर भगरे, सुशीला मोतीराम भवर, लक्ष्मी भास्कर भगरे, अजय गणपत गांगुर्डे, शमीम जावेद पठाण यांचा समावेश आहे. विद्यमान सरपंच लक्ष्मी भगरे या गेली १३ वर्ष सलग सरपंच आहेत.