गोडसेंची विजयी फे री

ठिकठिकाणी जोरदार स्वागत नाशिक : नाशिक लोकसभा मतदारसंघातील विजयी उमेदवार हेमंत गोडसे यांची विजयी फे री शिवसेनेच्या वतीने मोठ्या उत्साहात काढण्यात आली़ त्यांच्या विजय रथाचे ठिकठिकाणी जोरदार स्वागत करण्यात आले़ नाशिकचे पालकमंत्री छगन भुजबळ यांचा पराभव करत जाईंट किलर ठरलेल्या हेमंत गोडसे यांच्या विजयाने शिवसेनेच्या कार्यकर्त्यांमध्ये मोठा उत्साह संचारला असून, विजयी मिरवणुकीला बंदी असली तरी कोणतेही वाद्य न वाजवता विजयी रथातून गोडसे यांची विजयी फे री काढण्यात आली होती़ निवडणूक निकाल जाहीर होताच गुलाल तसेच भगव्या रंगाची उधळण करत शिवसेना कार्यकर्त्यांनी आनंद साजरा केला़ हार व फु लांनी सजविलेल्या विजयी रथात हेमंत गोडसे यांना बसवून अंबडच्या वेअर हाऊसपासून विजयी फे रीस प्रारंभ करण्यात आला़ यामध्ये शिवसेनेचे जिल्हाप्रमुख विजय करंजकर, महापालिका विरोधी पक्षनेते सुधाकर बडगुजर, महानगरप्रमुख अजय बोरस्ते आदि सहभागी झाले होते़ पाथर्डी फ ाटा येथे शिवाजी महाराज पुतळ्यास गोडसेंनी पुष्पहार अर्पण करून अभिवादन केले़ यानंतर विजयी फे री लेखानगर, मुंबई नाका, त्र्यंबक नाका मार्गे शालिमार चौक येथील शिवसेना कार्यालयात आली़ या ठिकाणी फटाक्यांच्या आतषबाजीत कार्यकर्त्यांनी गोडसेंचे जोरदार स्वागत केले़ तसेच कार्यकर्त्यांनी हेमंतआप्पा जिंदाबादच्या घोषणा देत परिसर दणाणून सोडला होता़ यानंतर ही फे री नाशिकरोड, बिटको, देवळालीगाव मार्गे हेमंत गोडसे यांच्या संसरी गावी गेली़ यावेळी ठिकठिकाणी सुहासिनींनी गोडसे यांचे औक्षण केले़ शिवसेनेच्या पदाधिकारी व कार्यकर्त्यांनी त्यांचे जोरदार स्वागत केले़