--इन्फो--
जयभवानी रोड बनतोय मृत्यूचा सापळा
जयभवानी रोड हा दिवसेंदिवस असुरक्षित होत चालला असून, सेंट झेवियर्स शाळेपासून, तसेच उपनगर सिग्नल जवळून आर्टीलरी सेंटरकडे जेतवननगर नर्सरीमार्गे जाणारा जयभवानी रोड हा धोकादायक झाला असून, या रस्त्यावर सातत्याने अपघात होत आहे. आठवडाभरापूर्वी येथील निसर्गोपचार केंद्रासमोर एका मॉर्निंग वॉक करणाऱ्या इसमाला कारने चिरडल्याची घटना घडली होती. या घटनेत त्या इसमाला आपले प्राण गमवावे लागले होते.
--इन्फो--
रस्त्यावर खड्डेच खड्डे अन् अतिक्रमणही
जयभवानी रोडची दुरवस्थाही वाढीस लागली असून, ठिकठिकाणी खड्डे पडले आहेत. रस्त्यालगत विविध विक्रेत्यांचे वाढीस लागणारे अतिक्रमण आणि रहदारीला अपुरा पडणारा रस्ता, यामुळे या रस्त्यावरून वाहन चालकांना जीव मुठीत धरून मार्गस्थ व्हावे लागत आहे. शहर वाहतूक पोलिसांसह महापालिका अतिक्रमण निर्मूलन पथक, बांधकाम विभागाने रस्त्याच्या सुरक्षिततेसाठी ठोस उपाययोजना करण्याची मागणी होत आहे.