येवला : येथील कै. सुभाषचंदजी पारख पतसंस्था व नारायणसेवा संस्थान उदयपूर यांच्या संयुक्त विद्यमाने ८ आॅगस्ट रोजी सकाळी ११ ते ५ या वेळेत लॉन्स येथे अपंगांसाठी मोफत उपचार चिकित्सा व साहित्य वाटपाच्या कार्यक्रमाचे आयोजन केले आहे. कायमस्वरूपी अपंगत्त्व व इतर अवयवांत विकलांगता असणाऱ्या अपंगांसाठी या शिबिराचे आयोजन मोफत तपासणी शिबिराचा लाभ घेण्याचे आवाहन पंकज पारख व मित्रपरिवाराने केले आहे. शिबिरासाठी नारायण सेवा संस्थानचे उदयपूर येथील ८ ते १० तज्ज्ञ नामवंत डॉक्टर तपासणी करणार आहे. आवश्यक त्या रुग्णांवर मोफत शस्त्रक्रियादेखील केली जाणार आहे. अपंगांना तीन चाकी सायकल, वॉकर, कुबड्या देण्यात येणार आहेत. याशिवाय राधाकृष्ण लॉन्स येथे ११ ते ५ यावेळेत रक्तदान शिबिराचे आयोजन केले आहे. यासाठी समता ब्लड बँक यांचे सहकार्य लाभले आहे. या शिबिरात सहभागी होण्याचे आवाहन अजय जैन, नेमिचंद कांकरिया, योगेश सोनी आदिंनी केले आहे.
येवल्यात अपंगांसाठी मोफत उपचार शिबिर
By admin | Updated: August 4, 2014 00:49 IST