गुदाम कोसळून चौघे युवक गंभीर

कनाशी : कळवण तालुक्यातील कनाशी येथे आदिवासी सेवा सहकारी सोसायटीच्या गुदामाची भिंत कोसळून चार युवक गंभीर जखमी झाले असून, उपचारासाठी जिल्हा रुग्णालयात हलविण्यात आले आहे. कनाशी येथे आदिवासी सेवा सहकारी सोसायटीचे गुदाम आहे. ते आदिवासी विकास महामंडळाने भाडेतत्त्वावर घेतले असून, त्यातून तालुक्यातील शासकीय आश्रमशाळांना धान्य पुरवठा केला जात असून, एकाधिकार खरेदीचा मालही ठेवलेला आहे. सदर गुदामाच्या बांधकामाला ४५ वर्षे झालेले आहेत. गुदामामध्ये धान्य वितरणाचा माल ठेवण्यात येतो. मात्र गुदामाचे बांधकाम फार जुने झाल्याने ते कधीही पडू शकते. त्यामुळे जीवितहानी होण्याची शक्यता वर्तविली जात होती ती आज खरी ठरली आहे. (वार्ताहर)कनाशी येथे गुदामाची पडलेली भिंत.