नाशिक : गुन्ह्यातील सहभागाच्या संशयावरून नाशिकरोड मध्यवर्ती कारागृहात कोठडीत असलेल्या बंदिवानांनी न्यायालयात पेशीसाठी नेले जात नसल्याच्या आरोप करून उपोषण सुरू केले आहे़ कारागृहात सिडकोतील टिप्पर गँगचा म्होरक्या व मोक्काचा आरोपी समीर नासीर पठाण (न्यायालयीन बंदी क्रमांक ५२), नितीन बाळकृष्ण काळे, सुनील भास्कर आनसे (न्यायालयीन बंदी क्रमांक ५८२) व सुनील दौलत खोकले (न्यायालयीन बंदी क्रमांक ५६) या चौघांनी हे उपोषण सुरू केले आहे़ समीर पठाण याने तुरुंग अधीक्षकांना दिलेल्या निवेदनानुसार गेल्या चार महिन्यांपासून त्यास न्यायालयात हजर करण्यात आलेले नाही.(प्रतिनिधी)
नाशिकरोड कारागृहातील चार बंदिवानांचे उपोषण
By admin | Updated: October 11, 2015 22:37 IST