वाहनात कोंबलेल्या चार गायींचा मृत्यू

सटाणा : बागलाण तालुक्याच्या पश्चिम पट्ट्यातून ताहाराबादच्या दिशेने गायी घेऊन येत असलेले पिकअप वाहन जायखेडा पोलिसांनी जप्त केले असून, पिकअपमधील निर्दयपणे कोंबलेल्या चार गायींचा गुदमरून मृत्यू झाला आहे. दरम्यान पोलिसांची खबर लागल्याने चालक पिकअप सोडून पसार झाला आहे. साल्हेर-वाघंबा रस्त्यावर हा खळबळजनक प्रकार उघडकीस आला.

ठळक मुद्देवाहन जप्त : साल्हेर-वाघंबा रस्त्यावरील प्रकार

सटाणा : बागलाण तालुक्याच्या पश्चिम पट्ट्यातून ताहाराबादच्या दिशेने गायी घेऊन येत असलेले पिकअप वाहन जायखेडा पोलिसांनी जप्त केले असून, पिकअपमधील निर्दयपणे कोंबलेल्या चार गायींचा गुदमरून मृत्यू झाला आहे. दरम्यान पोलिसांची खबर लागल्याने चालक पिकअप सोडून पसार झाला आहे. साल्हेर-वाघंबा रस्त्यावर हा खळबळजनक प्रकार उघडकीस आला.बागलाण तालुक्यातील पश्चिम पट्ट्यातून पिकअप वाहन (क्र. एमएच ०४ ईबी ०९४५) अकरा गायींना निर्दयपणे कोंबून ताहाराबादच्या दिशेने येत असल्याची खबर सहायक पोलीस निरीक्षक गणेश गुरव यांना मिळताच गुरव यांनी आपल्या सहकाऱ्यांसह साल्हेरकडे धाव घेतली. सुसाट वेगाने येणारी पिकअप साल्हेर-वाघंबा रस्त्यावर नादुरूस्त झाल्याने चालक वाहन तेथेच सोडून पसार झाला. पोलिसांनी रस्त्यावर उभ्या असलेल्या पिकअपची पाहणी केली असता अकरा गायी पाय आणि तोंड बांधलेल्या अवस्थेत मिळून आल्या. त्यापैकी चार गायी मृतावस्थेत आढळल्याने पोलिसांनी पशुवैद्यकीय अधिकाºयांना पाचारण करून जखमी गायींवर उपचार केले तर चार मृत गायींचे दफन केले.गुन्हा दाखलया प्रकरणी जायखेडा पोलिसांनी महाराष्ट्र प्राणी संरक्षण कायदा व भारतीय प्राणी संरक्षण अधिनियम कलम ११ प्रमाणे गुन्हा दाखल केला आहे. जायखेडा पोलीस ठाण्याचे सहायक पोलीस निरीक्षक गणेश गुरव, पोलीस उपनिरीक्षक गोविंद सोनवणे व त्यांच्या पथकाने ही कारवाई केली आहे.