इंदिरानगर पोलीस ठाण्याच्या प्रांगणात वरिष्ठ पोलीस निरीक्षक नीलेश माईनकर यांच्या हस्ते ध्वजारोहण करण्यात आले. याप्रसंगी सहाय्यक पोलीस निरीक्षक स्वप्निल बोंडे, राकेश भांमरे, उपनिरीक्षक सतीश जगदाळेसह अधिकारी व कर्मचारी उपस्थित होते.
क्रीडा व सांस्कृतिक मंडळ, इंदिरानगर संस्थेचे विवेकानंद सभागृहाच्या प्रांगणात ७२ व्या प्रजासत्ताक दिनानिमित्त प्रमुख पाहुणे अमोल भालेराव यांच्या हस्ते ध्वजारोहण करण्यात आले. स्नेहवर्धिनी महिला मंडळाच्या भगिनींनी देशभक्तीपर गीते सादर केली. मंडळाचे अध्यक्ष विनायक पुरोहित , क्रीडा सचिव अवधूत कुलकर्णी यांनी प्रमुख पाहुण्यांचे स्वागत केले. नगरसेवक चंद्रकांत खोडे, माजी नगरसेवक ,यशवंत निकुळे यांचे स्वागत रमेश नागरे, विनायक ठोंबरे यांनी केले. उपाध्यक्ष राजश्री शौचे यांनी आभार मानले. सूत्रसंचालन सचिव भालचंद्र जगताप यांनी केले. याप्रसंगी ॲड. भानुदास शौचे, विद्याधर पाध्येंसह संस्था सभासद, नागरिक उपस्थित होते. कोरोना परिस्थितीत मास्क, सॅनिटायझरचा वापर करण्यात आला
स्वातंत्र्यवीर वि. दा. सावरकर अभ्यासिकेच्या प्रांगणात प्रजासत्ताक दिन साजरा करण्यात आला. ध्वजारोहण व भारतमातेचे पूजन शाहिद नितीन भालेराव यांचे मोठे बंधू अमोल भालेराव यांच्या हस्ते करण्यात आले. संस्थेचे संस्थापक अध्यक्ष नगरसेवक चंद्रकांत खोडे यांना मान्यवरांचे स्वागत केले.
यावेळी ॲड. भानुदास शौचे , विनायक पुरोहित , भालचंद्र जगताप, राजश्री शौचे , मनीषा खोडे, आर. आर. राऊत ,नारायण यादव, श्रीकांत पाध्ये, अरुण मुनशेट्टीवार, सचिन पवार, अवधूत कुलकर्णी , सोनाली कुलकर्णी आदी उपस्थित होते. संकेत खोडे यांनी उपस्थितांचे आभार मानले.
(२७इंदिरानगर२)