येवल्याजवळ अपघातात पाच ठार

येवला : येवला-कोपरगाव रस्त्यावर अंचलगाव फाट्याजवळ रविवारी सकाळी कंटेनरने वळणावर टेम्पो आणि टाटा मॅजिक गाडीला धडक दिल्याने अपघात झाला.

 लोकमत न्यूज नेटवर्कयेवला : येवला-कोपरगाव रस्त्यावर अंचलगाव फाट्याजवळ रविवारी सकाळी साडेआठच्या सुमारास कंटेनरने वळणावर टेम्पो आणि टाटा मॅजिक गाडीला जोरदार धडक दिल्याने भीषण अपघात झाला. या अपघातात पाच जण ठार, तर सात जण गंभीर जखमी झाले. अपघातानंतर कंटेनरचा चालक फरार झाला आहे .शिर्डीकडून भरधाव वेगाने येवल्याकडे येत असलेल्या कंटेनर (क्र मांक यूके ०४ सीए ९४९१) चालकाचा वाहनावरील ताबा सुटला. या कंटेनरने येवल्याकडून शिर्डीच्या दिशेने जाणाऱ्या टेम्पो (क्र मांक एम एच १७ बीडी ३४०३)ला धडक दिल्याने टेम्पो उलटला. याच कंटेनेरने येवला-शिर्डी रस्त्यावर पिंपळगाव टोलनाक्यानजीक अंचलगाव फाटा वळणावर नगरसूल स्थानकावरून हैदराबाद येथील १२ साईभक्तांना घेउन जाणाऱ्या टाटा मॅजिक(क्रमांक एमएच १५ ई ४८०३) या गाडीलाही जोरदार धडक दिली. या भीषण धडकेत टाटा मॅजिक गाडीच्या चालकासह पाच जण ठार तर सात प्रवासी गंभीर जखमी झाले. मृतांमध्ये व्हॅन चालक शिवाजी लक्ष्मण मांजरे (३५)(रा.येवला), चेजरम्मा गोबिंदराव राधवलु, (५५) रा. पनकापालेम, मंगम्मा गुंडापुरी (५३) रा. लिंकमपल्ली, व्यंकामैय्या लक्ष्मीनारायण कलीकाट्टम, (३४ ) तेलंगणा हे आहेत. अन्य एका मृत महिलेचे नाव समजू शकले नाही. जखमींना येवला येथील ग्रामीण रु ग्णालयात उपचारासाठी आणले. प्राथमिक उपचार करून त्यांना आत्मा मालिक रु ग्णालयात पाठविण्यात आले. जखमींमध्ये नागराणी पोलपाली (१८),स्वप्ना गुंडापुरी (९ ), नरेश पोलपाली(२५), शिवशंकर गुंडापुरी(३३), के.चंद्रमाला(१६), उदय शिवशंकर गुंडापुरी (१२ ),लक्ष्मण नारायण (५८ ) यांचा समावेश आहे.