पवारवाडी पोलीस ठाण्याच्या हद्दीत कुत्ता गोळी विकणाऱ्या अजीम शहा इस्माईल शहा रा. मंगळवार वार्ड, अबुजा सईद अहमद रा. पवारवाडी हे कुत्ता गोळी विक्री करताना आढळून आले. यावेळी त्यांनी पोलिसांशी हुज्जत व धक्काबुक्की केल्याचा प्रकारही घडला आहे. त्यांच्यावर कुत्ता गोळी विक्री तसेच सरकारी कामात अडथळा आणल्याप्रकरणी पवारवाडी पोलीस ठाण्यात गुन्हा दाखल करण्यात आला आहे तर रमजानपूर भागात अन्सारी मो रहीम (२४)याला अटक करण्यात आली आहे तर सद्दाम शेख हा फरार झाला आहे. मोहम्मद आलम जाबाज खान, फय्याज अहमद रियाज अहमद या दोघांनाही अटक करण्यात आली आहे. शहरात डॉक्टरांच्या प्रिस्क्रिप्शनशिवाय औषधे विक्री करणाऱ्यांवर यापुढेही कडक कारवाई केली जाईल, अशी माहिती अपर पोलीस अधीक्षक चंद्रकांत खंडवी यांनी दिली.
इन्फो
कुत्ता गोळ्यांची सर्रास विक्री
शहरात कुत्ता गोळी म्हणून नशेच्या औषधांचा वापर केला जातो. यामुळे शहर परिसरात गुन्हेगारीच्या प्रमाणात वाढ झाली आहे. वाढती गुन्हेगारी रोखण्यासाठी व बेकायदेशीररित्या कुत्ता गोळी विकणाऱ्यांच्या मुसक्या आवळण्यासाठी अपर पोलीस अधीक्षक चंद्रकांत खांडवी यांच्या मार्गदर्शनाखाली पोलिसांनी धडक कारवाईला सुरुवात केली आहे.