नाशिक : शहरातील कनिष्ठ महाविद्यालये व उच्च माध्यमिक महाविद्यालयांमध्ये अकरावीची प्रवेशप्रक्रिया सुरू असून, या प्रक्रियेंतर्गत प्रथम विशेष तथा नियमित चौथ्या फेरीसाठी बुधवारी (दि. २२) गुणवत्ता यादी जाहीर करण्यात आली आली. त्यानुसार ३ हजार २६६ विद्यार्थ्यांना पहिल्या पसंतीचे महाविद्यालयात प्रवेशाची संधी प्राप्त झाली आहे.
अकरावी प्रवेशासाठी प्रथम विशेष फेरीसाठी उपलब्ध १० हजार ६९३ जागांसाठी ५ हजार ६ विद्यार्थ्यांचे अर्ज पात्र ठरले होते. त्यापैकी ४ हजार ४८४ विद्यार्थ्यांना जागांचे वाटप करण्यात आले असून, यात ३ हजार २६६ विद्यार्थ्यांना प्रथम, ६१७ विद्यार्थ्यांना द्वितीय व उर्वरित विद्यार्थ्यांना ३ ते १० पसंतीच्या महाविद्यालयातील जागा मिळाल्या आहेत. प्रवेशाची संधी मिळालेल्या विद्यार्थ्यांना शनिवारी (दि.२५) सायंकाळी ६ वाजेपर्यंत त्यांचे प्रवेश निश्चित करावे लागणार आहे.
नाशिक मनपा क्षेत्रात उपलब्ध जागा
महाविद्यालये - ६०
उपलब्ध जागा - २५,३८०
प्रवेशासाठी नोंदणी - २४,६६१
अर्ज निश्चित - २२,३८८
अर्ज पडताळणी - २२,३२१
पर्याय निवडले- १७,३५३
प्रवेश निश्चित - १३,५४७
रिक्त जागा ११,८३३