पिंपळगावी पुष्ट्याच्या कारखान्याला आग, एक कोटीचे नुकसान

पिंपळगावी पुष्ट्याच्या कारखान्याला आग, एक कोटीचे नुकसान

पिंपळगाव बसवंत : पिंपळगाव बसवंत येथील पुष्ट्यांचे खोके बनविणाऱ्या कारखान्यास आग लागून पूर्ण कंपनी जळुन खाक झाली. आगीत १ कोटीचे नुकसान झाल्याचा अंदाज वर्तविण्यात येत आहे. पिंपळगाव बसवंत येथील औद्योगिक वसाहतीत पवन पॅकेजींग ही पुट्टा खोके बनविण्याची कंपनी येत्या पाच वर्षांपासून सुरू होती दि ४ रोजी पहाटे ३ वाजता सदर कंपनीला आग लागली. शनिवार कंपनीला सुटी असल्याने कंपनीत एकही कामगार नव्हता. आग लागल्यानंतर बऱ्याच वेळाने आजूबाजूच्या रहिवाशींनी मालक किरण किशोर डुंगरवाल यांना माहिती दिली. व अग्निशामकला कळविले तो पर्यंत कंपनीच्या अतील भागाने पूर्ण पेट घेतला होता. कंपनीत सर्व द्राक्ष, डाळींब, टोमॅटोसाठी लागणारे पुटट्याचे खोके व इतर मटेरियल असल्याने आग आटोक्यात आणणे कठीण होते. नाशिक अग्निशामक दलाचे दोन बंब ओझरचा एक बंब पिंपळगाव ग्रामपालिकेच्या बंबाने १४ फेऱ्या मारुन सकाळी ९ वाजेपर्यंत आग आटोक्यात आणली. हा कारखाना पूर्णपणे जळुन खाक झाला असून, आगीचे कारण अद्यापर्यंत समजु शकले नाही. ह्या आगीत एक कोटीच्या आसपास नुकसान झाल्याचा अंदाज वत्