-----------------------------------------
वडबारे येथे सामाईक बांधावर मारामारी
चांदवड : तालुक्यातील वडबारे शिवारातील चिंचबारी रोडलगत शेताचे सामाईक बांधावर प्रवीण नाना जाधव यास गोकुळ कचरू जाधव, गोरख कचरू जाधव (सर्व, रा. वडबारे) यांनी सामाईक बांध नांगराने का कोरला या कारणावरून प्रवीण यास वरील दोघांनी फावड्याने मारहाण करून जखमी केले. याबाबत चांदवड पोलीस ठाण्यात गुन्हा दाखल झाला असून, अधिक तपास नाईक निंबेकर करीत आहेत.
------------------------------------------
सोग्रस शिवारात दुचाकीचालक ठार
चांदवड : तालुक्यातील सोग्रस शिवारात सदाशिव भदाणे यांच्या शेताजवळ विष्णू श्रीनिवास कुमावत (वय ३२, रा. वरचेगाव पंचशिलनगर) हे त्यांच्याजवळील दुचाकी (एम.एच.१५/ सी.डब्ल्यु. ७७५३) ही चांदवडकडून सोग्रसकडे घेऊन जात होते. पुढे जाणाऱ्या अज्ञात वाहनास पाठीमागून धडक दिल्याने कुमावत ठार झाल्याची फिर्याद वडनेरभैरव पोलीस ठाण्यात शरद दशरथ मोरे (रा. शेलु माथा ता. चांदवड) यांनी दिल्याने त्यांच्या विरोधात अपघाताचा गुन्हा दाखल केला आहे. पोलीस उपनिरीक्षक गवारो यांच्या मार्गदर्शनाखाली अधिक तपास सहायक पोलीस उपनिरीक्षक अहिरे हे करीत आहेत.