याबत अधिक माहिती अशी की, मौजे कुर्णुली येथील शेतकरी अभिजीत संधान हे टोमॅटोची पावती घेण्यासाठी व्यापारी आडतदाराकडे गेले असता विचारपूस न करताना शेतकऱ्याला सदर व्यापाऱ्याने मारहाण केली. या शेतकरी मारहाणी प्रकरणी शेतकऱ्यांमध्ये असंतोष निर्माण झाला आहे. बाजार समिती प्रशासनाने योग्य दखल घेऊन सदर कंपनीचा परवाना तत्काळ निलंबित करण्यात यावा तसेच शेतकऱ्याला मारहाण होऊन देखील बाजार समितीने दखल घेतली नाही. त्यामुळे शेतकरी संघटना आक्रमक होऊन बाजार समिती शासन व प्रशासकीय विरोधात तीव्र आंदोलन छेडणार असल्याचा इशारा स्वाभिमानी शेतकरी संघटना राज्य कार्यकारिणी सदस्य सोमनाथ बोराडे, निफाड तालुका प्रमुख राम राजोळे, निवृत्ती गारे, सुधाकर मोगल, भाऊसाहेब तासकर, गजानन घोटेकर यांनी दिला आहे.
कोट....
पिंपळगाव बसवंत बाजार समितीत शेतकऱ्याला मारहाण झाल्याची ही दुसरी घटना आहे. यावेळेस शेतकऱ्याला मारहाण करूनदेखील बाजार समितीने कोणतीही दखल घेतली नाही. बाजार समिती प्रशासनाने वेळीच योग्य भूमिका निभावत सदर व्यापाऱ्याचा परवाना रद्द करावा.
- सोमनाथ बोराडे, स्वाभिमानी शेतकरी संघटना
..................................
व्यापारी व आमच्यात दहा कॅरेटवरून शाब्दिक वाद झाला होता मात्र ती किरकोळ वाद झाला होता. तो मिटला देखील होता. मात्र दुसऱ्या दिवशी मी टोमॅटो मालाचे पैसे घेण्यासाठी गेलो असता आडतदार कंपनीने देण्यास नकार दिला. मी माझ्या कष्टाचे पैसे मागत होतो मात्र त्यांनी ते न देता मला मारहाण केली. सदर आडतदार कंपनीचा परवाना रद्द व्हावा.
- अभिजित संधान, टोमॅटो उत्पादक शेतकरी
फोटो- ०९ पिंपळगाव फार्मर
शेतकरी मारहाणप्रकरणी बाजार समिती प्रशासनाला निवेदन देताना स्वाभिमानी शेतकरी संघटनेचे पदाधिकारी व कार्यकर्ते.
090921\09nsk_24_09092021_13.jpg
फोटो- ०९ पिंपळगाव फार्मर शेतकरी मारहाणप्रकरणी बाजार समिती प्रशासनाला निवेदन देताना स्वाभिमानी शेतकरी संघटनेचे पदाधिकारी व कार्यकर्ते.