दिंडोरी नगर पंचायत सदस्यांना समारंभपूर्वक निरोप

दिंडोरी : नगर पंचायत दिंडोरी येथे नगर पंचायत अध्यक्ष, उपाध्यक्ष व सदस्यांचा कार्यकाळ समाप्त होत असल्याने, नगर पंचायत सभागृहात मुख्याधिकारी नागेश येवले यांच्या संकल्पनेनुसार समारंभाचे आयोजन करण्यात आले होते.

ठळक मुद्देमाझी वसुंधरा अभियानाच्या अनुषंगाने उपस्थित सर्वांना हरित कायदा पालनाची शपथ

दिंडोरी : नगर पंचायत दिंडोरी येथे नगर पंचायत अध्यक्ष, उपाध्यक्ष व सदस्यांचा कार्यकाळ समाप्त होत असल्याने, नगर पंचायत सभागृहात मुख्याधिकारी नागेश येवले यांच्या संकल्पनेनुसार समारंभाचे आयोजन करण्यात आले होते.या सोहळ्यास नगराध्यक्ष रचना जाधव, उपनगराध्यक्ष कैलास मवाळ तसेच नगरसेवक तुषार वाघमारे नगर पंचायतचे प्रशांत पोतदार, धीरज भामरे आदींनी मनोगत व्यक्त केले. मुख्याधिकारी येवले यांनी आपले मनोगत व्यक्त करताना झपाट्याने वाढत असलेल्या दिंडोरी शहरात विकासासाठी भरपूर वाव असून, शहराच्या विकासात सर्व सदस्यांनी आपले योगदान देऊन भविष्याच्या दृष्टीने एक आश्वासक पायाभरणी नगर पंचायतच्या पहिल्या पंचवार्षिक काळात झाल्याचे सांगितले.माझी वसुंधरा अभियानाच्या अनुषंगाने उपस्थित सर्वांना हरित कायदा पालनाची शपथ देऊन प्रत्येक सदस्याने आजच्या दिवसाची आठवण म्हणून एक झाड लावण्याचे मान्य केले. यावेळी नगरसेवक भाऊसाहेब बोरस्ते, प्रमोद देशमुख, सचिन देशमुख, संतोष गांगोडे, धनराज भवर, मालती जाधव, आशा कराटे, सविता देशमुख, विमल जाधव, रत्ना बोरस्ते, निर्मला जाधव, रोहिणी पगारे, रंजना चारोस्कर, शैला उफाडे व स्वीकृत नगरसेवक माधवराव साळुंखे, नीलेश गायकवाड आदी उपस्थित होते.