नाशिक : जिल्ह्यातील सर्व विवाह व विवाहासंदर्भातील विविध समारंभासाठी सेवा पुरविणाऱ्या व्यवसायामधील विविध संघटनांना एकत्र करून त्यांचे प्रतिनिधित्व करणाऱ्या फेडरेशन ऑफ वेडिंग इंडस्ट्री, नाशिक (एफवीन) शिखर संघाची स्थापना करण्यात आल्याची माहिती लॉन्स व मंगल कार्यालय संघटनेचे अध्यक्ष सुनील चोपडा यांनी दिली आहे.
फेडरेशन ऑफ वेडिंग इंडस्ट्रीत मंगल कार्यालय व लाॅन्स असोसिएशन, केटरिंग असोसिएशन, मंडप डेकोरेटर्स असोसिएशन, इव्हेंट मॅनेजमेंट असोसिएशन, फोटोग्राफर असोसिएशन, एलईडी स्क्रीन वाॅल असोसिएशन, लाईट आणि साऊंड असोसिएशन, फ्लावर डेकोरेटर असोसिएशन व त्यांच्या संलग्न व्यवसायाशी निगडित विविध संघटना एकत्र आल्या असून फेडरेशन ऑफ वेडिंग इंडस्ट्री नाशिकच्या अध्यक्षपदी संदीप काकड, उपाध्यक्षपदी उत्तम गाढवे व केशव डिंगोरे यांच्यासह सचिवपदी प्रवीण कमले, सहसचिव पंकज आहिरराव, खजिनदार पंकज वाणी यांची निवड करण्यात आली आहे, तर फेडरेशनच्या संचालक मंडळात सुनील चोपडा यांच्यासह शंकर पिंगळे, अनिल जोशी, पंकज पाटील, अमर वाणी, राहुल भावे, तुषार श्रीवास्तव, रुपेश गुप्ता, सुनील महाले, आदींचा समावेश आहे.
(आरफोटो- ०३संदीप काकड, अध्यक्ष ०३प्रवीण कमले, सचिव)