पुण्यपाल सुरीश्वरजी यांचा प्रवेश सोहळा

देवळाली कॅम्प बालगृहरोड येथे कलापूर्णम धाममध्ये होणाऱ्या उपध्यान तपाच्या साधनेसाठी महान जैनाचार्य श्री पुण्यपाल सुरीश्वरजी म.सा. यांचा प्रवेश सोहळा पार पडला.

नाशिकरोड : देवळाली कॅम्प बालगृहरोड येथे कलापूर्णम धाममध्ये होणाऱ्या उपध्यान तपाच्या साधनेसाठी महान जैनाचार्य श्री पुण्यपाल सुरीश्वरजी म.सा. यांचा प्रवेश सोहळा पार पडला. बालगृह रोड कलापूर्णम मध्ये उपध्यान तपासाठी उभारण्यात आलेल्या पंचाचार पुष्पवाटीका धाममध्ये येत्या मंगळवारपासून २७ फेब्रुवारीपर्यंत उपध्यान तप होणार आहे. उपध्यान तपाकरिता आलेल्या आचार्य पुण्यपाल सुरीश्वरजी म.सा., तीन आचार्य, १५० साध्वी स्वागत मिरवणुकीद्वारे कलापूर्णममध्ये दाखल झाले. मिरवणूक मार्गावर रांगोळ्या काढण्यात आल्या होत्या. मिरवणुकीत बॅँड पथक, नृत्य पथक आदिंसह विविध भागातील जैन बांधव सहभागी झाले होते. मंगल कुंभाच्या प्रदक्षिणेसह प्रवेश झाल्यानंतर आचार्य श्री पुण्यपाल सुरीश्वरजी म्हणाले, महान पुण्योदयाच्या उदयाने अशी संधी प्राप्त होत असते. नाशिकरोड येथील श्रीमती कंचनबेन जेठमल लुणावत व पृथ्वीराज चेतनकुमार बोरा कुटुंबीयांच्या वतीने उपध्यान तपाचे आयोजन करण्यात आले आहे.ाावेळी जैन बांधव उपस्थित होते.आता तिला सार्थ करणे हे तुमचे सर्वांचे नैतिक कर्तव्य आहे. जीवनात बिघाड निर्माण करणारे वाईट सोबत, वाईट साहित्य आणि वाईट स्थान या ३ भयस्थानापासून नेहमी दूर राहावे असे सांगितले.