जिल्हाभरात दिवाळीचा उत्साह

उत्सव : विविध सामाजिक संघटनांनी साजरा केला गोरगरिबांसोबत सण

 नाशिक : शहर व जिल्हा परिसरात दिवाळी उत्साहात साजरी करण्यात आली. यानिमित्त नागरिकांच्या उत्साहाला एकच उधाण आले होते. आदिवासीबांधवांसमवेत एक दिवससिडको येथील राजे संभाजी ग्रुपच्या वतीने दरवर्षीप्रमाणे यंदाही आदिवासी बांधवांसमवेत एक दिवस दिवाळी साजरी करून भोजनाचा आनंद घेण्यात आला. यावेळी ग्रुपच्या वतीने आदिवासी बांधवांना पिण्याच्या पाण्याचे हंडे तसेच शालेय बॅगसह विविध वस्तूंचे वाटप करण्यात आले. राजे संभाजी ग्रुपच्या वतीने संस्थापक मामा ठाकरे यांच्या नेतृत्वाखाली दिवाळी सणानिमित्त एक दिवस आदिवासी बांधवांसमवेत घालविण्यात येतो. यंदा त्र्यंबकेश्वर येथील बर्डीपाडा, येथील बांधवांसमवेत दिवाळी सण साजरा करण्यात आला. येथील मुलांना व गरजूंना शालेय साहित्याचे वाटप करण्यात आले. याप्रसंगी अनिल अमृतकर, कोचर, अनिल चव्हाण, एस. एस. दराडे, बाविस्कर, रवि राठोड, बापू देवरे, शेवाळे, अण्णा साळुंखे, सागर पाठक, अ‍ॅड. मोरे, बाळासाहेब सोनवणे, विष्णू कोठावदे, तुषार कोठावदे, मंगेश अनासने, शेळके, महाले आदि सहभागी झाले होते.