अतिक्रमित चौकी हटविली

मालेगाव : शहरातील सरदार चौकात रस्त्यावरील राज्य राखीव दलाच्या जवानांसाठी ठेवण्यात आलेली अतिक्रमित पोलीस चौकी व जुनी रुग्णवाहिका महापालिकेच्या अतिक्रमण विभागाने हटवून मार्ग मोकळा केला आहे.चौकात रस्त्याच्या मध्यभागी पोलीस चौकी व जुनी रुग्णवाहिका उभी असल्यामुळे वाहतुकीला अडथळा निर्माण होत असल्याची तक्रार सामाजिक कार्यकर्ते रामदास बोरसे यांनी केली होती. याची दखल घेत महापालिकेच्या अतिक्रमण विभागाने सोमवारी सरदार चौकातील अतिक्रमित पोलीस चौकी व रुग्णवाहिका जेसीबीच्या साह्याने हटविण्यात आली.सदरची कारवाई अतिक्रमण विभागाचे राजू खैरनार, अधीक्षक दीपक हातगे, प्रभाग अधिकारी किशोर गिडगे व पथकाने केली. अतिक्रमण हटविल्याने सरदार चौकाने मोकळा श्वास घेतला आहे.