येत्या आठवड्यात प्रभाग समिती सभापती निवडणूक होणार आहे. गेल्यावर्षी प्रमाणे यंदा भाजपाचा सभापती होणार हे जवळपास निश्चित असले तरी भाजपा नवीन चेहऱ्याला संधी देत निवडणूक बिनविरोध करण्याची शक्यता आहे.
पंचवटी विभागात असलेल्या सहा प्रभागात २४ नगरसेवक निवडून आले आहेत. निवडून आलेल्या एकूण २४ नगरसेवकांपैकी सध्या भाजपचे -१८, मनसे-२, अपक्ष-२, शिवसेना-१ असे पक्षीय बलाबल आहे, तर काँग्रेस राष्ट्रवादी काँग्रेसचे एकही सदस्य निवडून आले नाही.
भाजपाने पंचवटीतील अनेक नगरसेवकांना स्थायी समिती सदस्य, विधी समिती, व अन्य समित्यांवर नियुक्ती केल्याने सर्वांना संधी मिळावी म्हणून दरवर्षी नवीन चेहऱ्याला संधी दिली जात आहे. भाजपाने सलग चारवेळा महिला उमेदवारांना संधी दिली होती त्यामुळे आता भाजप पाचव्या वर्षी पुन्हा महिलांना संधी देते की ज्यांच्या पदरी पाच वर्षात एकही पद मिळाले नाही त्यामुळे त्यांना सभापती पदाची संधी देणार का हे उद्या होणाऱ्या भाजप बैठकीत ठरणार आहे.
इन्फो
प्रभाग सभापती दावेदार
महापालिका पंचवटी प्रभाग समिती सभापतिपदासाठी माजी आमदार बाळासाहेब सानप यांचे चिरंजीव मच्छिंद्र सानप,
नगरसेवक रुची कुंभारकर, सुरेश खेताडे यांना पाच वर्षात कोणत्याही प्रकारचे पद मिळाले नाही त्यामुळे यावर्षी पुरुष नगरसेवक म्हणून कुंभारकर, सानप, खेताडे संधीच्या प्रतीक्षेत आहे, तर दुसरीकडे भाजपतर्फे पूनम सोनवणे इच्छुक आहे.