तालुक्यातील देवळाणे, तळवाडे, बल्हेगाव, आहेरवाडी, खरवंडी, रहाडी, रेंडाळे, अनकुटे, डोंगरगाव, पिंपळखुटे बु॥ पन्हाळसाठे, धामोडे, उंदीरवाडी, नांदुर, अंगणगाव, आडगाव रेपाळ, नगरसुल, विसापूर, साताळी, बाभुळगाव खुर्द, जळगाव नेऊर, आंबेगाव, वाघाळे, मुखेड, अनकाई, देशमाने बु॥ अंदरसुल, कोटमगाव खुर्द, राजापूर, नेऊरगाव, सातारे, एरंडगाव बु॥ मुरमी, महालखेडा पाटोदा, ठाणगाव, धामणगाव, गुजरखेडे, भाटगाव, सावरगाव या ३९ ग्रामपंचायतींच्या सरपंचपदाची निवडणूक शुक्रवारी, (दि. १२) होत आहे.
तालुक्यातील अंगुलगाव, भुलेगाव, पारेगाव, नागडे, आडसुरेगाव, मातुलठाण, बोकटे, भारम, कोळगाव, खामगाव, ममदापूर, खिर्डीसाठे, कुसमाडी, निमगाव मढ, गणेशपुर, पिंपळगाव जलाल, कोळम बु॥ धुळगाव, कानडी, सत्यगाव, पिंप्री, पाटोदा, पुरणगाव, पिंपळगाव लेप, सोमठाण देश, देवठाण, विखरणी, सायगाव, खैरगव्हाण या २९ ग्रामपंचायतींच्या सरपंचपदाची निवडणूक सोमवारी, (दि. १५) होत आहे.
३ ग्रामपंचायतींचे सरपंचपद राहणार रिक्त
येवला तालुक्यातील ३ ग्रामपंचायतीत सरपंच पद रिक्त राहणार आहे. गणेशपुर ग्रामपंचायत सरपंचपद अनुसूचित जमातीसाठी आरक्षीत असून या ठिकाणी सदस्य रिक्त आहे. कोळगाव ग्रामपंचायतीचे सरपंचपद अनुसुचित जाती महिलेसाठी आरक्षीत असून येथे पुरूष सदस्य निवडूण आला आहे. तर विसापूर ग्रामपंचायतीचे सरपंचपद अनुसूचीत जमातीमहिलेसाठी आरक्षीत असून या ठिकाणी पुरूष सदस्य निवडूण आला आहे.
येवला तालुक्यातील ग्रामपंचायतींच्या सरपंच निवडणूकीच्या निमित्ताने तालुक्यातील राजकीय वातावरण पुन्हा ढवळून निघत आहे. पहिल्या टप्प्यात नगरसुल, मुखेड, अंदरसुल या ग्रामपंचायतींसह अंगणगाव, जळगाव नेऊर, सावरगाव तालुक्याचे लक्ष लागून असणार्या ग्रामपंचायतींच्या सरपंचपदी कुणाची वर्णी लागते याकडे लक्ष लागून आहे. दुसर्या टप्प्यात पाटोदा या मोठ्या ग्रामपंचायतीसह बोकटे, अंगुलगाव, सायगाव या ग्रामपंचायतींच्या सरपंचपदी कोण? या बाबत उत्सुकता आहे.