निवडणूक मोबाइल व्हॅन पोहोचणार मतदारांपर्यंत

मतदार याद्यांच्या शुद्धीकरण आणि दोषरहित याद्या करण्यासाठी निवडणूक आयोगाच्या मार्गदर्शनानुसार सुरू असलेल्या विविध प्रकारच्या मोहिमांनंतर आता निवडणूक शाखेची मोबाइल व्हॅन थेट मतदारांपर्यंत पोहोचणार आहे.

नाशिक : मतदार याद्यांच्या शुद्धीकरण आणि दोषरहित याद्या करण्यासाठी निवडणूक आयोगाच्या मार्गदर्शनानुसार सुरू असलेल्या विविध प्रकारच्या मोहिमांनंतर आता निवडणूक शाखेची मोबाइल व्हॅन थेट मतदारांपर्यंत पोहोचणार आहे. नावे वगळणे आणि नोंदणी करण्यासाठी अनेकदा आवाहने करूनही राहिलेल्या मतदारांपर्यंत आता निवडणूक शाखाच पोहोचणार आहे. यासाठी ‘नाम मे क्या रखा हैं’ असे घोषवाक्य असलेली व्हॅन मतदारांपर्यंत पोहोचून अर्ज भरून घेणार असल्याची माहिती जिल्हाधिकारी तथा जिल्हा निवडणूक अधिकारी सूरज मांढरे यांनी दिली.मतदार याद्यांच्या शुद्धीकरण आणि दोषरहित याद्या करण्यासाठी निवडणूक आयोगाच्या मार्गदर्शनानुसार सुरू असलेल्या विविध प्रकारच्या मोहिमांनंतर आता निवडणूक शाखेची मोबाइल व्हॅन थेट मतदारांपर्यंत पोहोचणार आहे. नावे वगळणे आणि नोंदणी करण्यासाठी अनेकदा आवाहने करूनही राहिलेल्या मतदारांपर्यंत आता निवडणूक शाखाच पोहोचणार आहे. यासाठी ‘नाम मे क्या रखा हैं’ असे घोषवाक्य असलेली व्हॅन मतदारांपर्यंत पोहोचून अर्ज भरून घेणार असल्याची माहिती जिल्हाधिकारी तथा जिल्हा निवडणूक अधिकारी सूरज मांढरे यांनी दिली. शहर परिसरात मंगळवार (दि.२३) पासून सदर मोहिमेला सुरुवातदेखील झाली आहे.नाशिक सिटीझन फोरम या संस्थेबरोबर झालेल्या बैठकीत मयत आणि दुबार मतदारांची नावे वगळण्यासाठी करावयाच्या उपाय-योजनांसंदर्भात चर्चा करण्यात आली. त्यावेळी बहुतांश मतदारांना त्यांच्या नावातील बदल अथवा मतदार यादीतील अन्य दुरुस्तांसाठी कार्यालयात येण्यासाठी वेळ होत नसल्याने त्या दुरुस्त्या तशाच राहून जातात, असे सर्वसाधारण मत व्यक्त झाले. त्यामुळे मतदारांपर्यंत पोहोचण्याची काही व्यवस्था करता येईल काय यावर चर्चा झाली. त्यानुसार प्रशासनाच्या वतीने काही मोबाइल व्हॅन शहरातील वेगवेगळ्या भागांमध्ये कार्यालयीन वेळेनंतर फिरवल्यास व त्या मोबाइल व्हॅनद्वारे मतदारांकडून अर्ज स्वीकारले गेल्यास मतदारांना मतदार यादीतील दुरुस्तीबाबत अर्ज सादर करणे सोपे होणार आहे. दि.२३ पासून शहरातील चार शहरी विधानसभा मतदारसंघ आणि मालेगाव शहर या मतदारसंघांमध्ये निवडणूक शाखेकडून नाम में क्या रखा हैं या वाहनाद्वारे मतदार आणि नागरिकांमध्ये मतदार यादीसंदर्भात जागृती केली जात आहे.निर्दोष आणि परिपूर्ण मतदार याद्या यशस्वी निवडणूक संचलनाचा पाया असल्यामुळे मतदार यादी अधिकाधिक परिपूर्ण करण्यासाठी जिल्ह्यातील सर्व नागरिक आणि मतदारांच्या सहकार्याची अपेक्षा आहे. या मोहिमेचा लाभ घेऊन आपल्या कुटुंबातील तसेच परिचयातील कुटुंबातील व्यक्ती मृत्यू झालेली असेल, तर अशा मयत व्यक्तीच्या नावांची मतदार यादीमधून वगळणी करावी आणि मतदार यादी अधिकाधिक परिपूर्ण बनविण्याच्या नाशिक जिल्हा निवडणूक प्रशासनाच्या मोहीमेस सर्व सहकार्य करावे.- सूरज मांढरे, जिल्हाधिकारी, नाशिक