अरूण सोमनाथ जोशी (६९रा.संध्या पूजा सोसा.म्हसरूळ) असे मृत दुचाकीस्वाराचे नाव आहे. जोशी मंगळवारी (दि.१२) दुपारच्या सुमारास दिंडोरी नाक्याकडून मेरीच्या दिशेने आपल्या दुचाकीवर प्रवास करीत असतांना ही घटना घडली होती. तारवालानगर सिग्नल परिसरात भरधाव दुचाकीवर अचानक चक्कर आल्याने ते पडले होते. या घटनेत त्यांच्या डोक्यास मार लागल्याने त्यांना सह्याद्री हॉस्पिटल येथे दाखल करण्यात आले होते. बुधवारी त्यांचा उपचारादरम्यान मृत्यू झाला.
------
अज्ञात वाहनाच्या धडकेत दुचाकीस्वार ठार
नाशिक : उंटवाडी सिग्नलपासून गोविंदनगरकडे जाणाऱ्या रस्त्यावर एका भरधाव वाहनाने अज्ञात दुचाकीस्वाराला जोरदार धडक दिली. या धडकेत विजय किशोर वैद्य (४१.रा.त्र्यंबकरोड) यांचा मृत्यू झाला. याप्रकरणी मुंबईनाका पोलीस ठाण्यात नोंद करण्यात आली आहे. वैद्य बुधवारी (दि.१३) सिग्नलकडून गोविंदनगरच्या दिशेने आपल्या दुचाकीने प्रवास करत असताना हा अपघात झाला. सिग्नलजवळच्या पुलाजवळ पाठीमागून भरधाव आलेल्या अज्ञात वाहनाने दुचाकीला धडक दिल्याने वैद्य जखमी झाले होते. त्यांना एका खासगी रूग्णालयात प्रथमोपचार करून त्यांच्या बंधूंनी त्यांना अन्य दुसऱ्या रुग्णालयात उपचारार्थ हलविले असता उपचारादरम्यान त्यांचा मृत्यू झाला.
----