ईदच्या दिवशी ईदगाह मैदानावर नमाज पठणास परवानगी द्यावी अशी मागणी करत मुस्लीम धर्मगुरुंनी पाेलीस प्रशासनाशी चर्चा केली. शहरातील घटती रुग्णसंख्या, काेविड नियमांचे पालन आदी मुद्दे मांडून परवानगी देण्याची विनंती करण्यात आली. मात्र, खांडवी यांनी राज्य सरकारने यासंदर्भात कुठल्याही नवीन सूचना घाेषित केल्या नसल्याचे स्पष्ट केले. याप्रसंगी पाेलीस उपअधीक्षक लता दाेंदे, कॅम्पचे उपअधीक्षक प्रवीण जाधव, माैलाना अब्दुल हमीद अझहरी, हाजी युसूफ इलियास, अतहर हुसैन अश्रफी, फिराेज आझमी, डाॅ. रईस रिझवी यांच्यासह ईदगाह ट्रस्टी व धर्मगुरू उपस्थित हाेते.
---------------------
नागरिकांना करणार आवाहन
चर्चेअंती शासन निर्देशानुसार ईदचे नमाज पठण करण्याचे धर्मगुरुंनी मान्य केले. बुधवारी चंद्र दर्शन झाल्यास १३ मे राेजी ईद साजरी हाेईल. चंद्र दर्शन न झाल्यास १४ मे राेजी ईद राहील. शहरातील नागरिकांना मशिदींमधून घरातच ईदचे नमाज पठण व इतर धार्मिक कार्यक्रम करावे असे आवाहन केले जाणार आहे.
-------------
मैदानावर बंदाेबस्त
ईदनिमित्त शहरात वाढीव पाेलीस बंदाेबस्त तैनात रहाणार आहे. कॅम्पमधील मुख्य इतर छाेट्या ईदगाहांवर पाेलीस तैनात राहतील. वरिष्ठ पाेलीस अधिकारी १००, पाेलीस कर्मचारी ८००, राज्य राखीव पाेलीस दलाच्या दाेन कंपन्या, गृह रक्षक दलाचे जवान २५० असे बंदाेबस्ताचे नियाेजन करण्यात आले आहे.