शकुंतला रघुनाथ सानप (रा.अशोकामार्ग) असे मृत महिलेचे नाव आहे. शुक्रवारी (दि.२६) दुपारच्या सुमारास आपल्या राहत्या घरात अचानकपणे त्यांना चक्कर आल्याने त्या जमिनीवर कोसळल्या. कुटुंबीयांनी त्यांना तात्काळ जिल्हा रुग्णालयात दाखल केले असता वैद्यकीय सूत्रांनी तपासून मयत घोषित केले.
----
गोविंदनगरला वृध्दाची आत्महत्या
नाशिक : गोविंदनगर चौक परिसरात राहणारे ६५ वर्षीय वृध्दाने विषारी औषध सेवन करून आत्महत्या केली. वृध्दाच्या आत्महत्येचे कारण समजू शकले नाही. याप्रकरणी मुंबईनाका पोलीस ठाण्यात मृत्यूची नोंद करण्यात आली आहे. किशोर भाऊराव गायकवाड (रा.अॅपेक्स हॉस्पिटलसमोर) असे आत्महत्या करणाऱ्या ज्येष्ठ नागरिकाचे नाव आहे. गायकवाड यांनी शुक्रवारी (दि.२६) दुपारच्या सुमारास अज्ञात कारणातून आपल्या राहत्या घरी विषारी औषध सेवन केले होते. कुटुंबीयांनी त्यांना तत्काळ जिल्हा रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले.
---
देवळाली कॅम्पमधून दोन मुली बेपत्ता
नाशिक : देवळाली कॅम्प पोलीस ठाणे हद्दीतील दोन अल्पवयीन मुली बेपत्ता झाल्या आहेत. अज्ञानपणाची संधी साधत कुणी तरी आमिष दाखवून त्यांना पळवून नेल्याचा संशय मुलींच्या कुटुंबीयांनी वर्तविला आहे. याप्रकरणी देवळाली कॅम्प पोलीस ठाण्यात अपहरणाचा गुन्हा दाखल करण्यात आला आहे.
देवळाली कॅम्प येथील अनुक्रमे १७ आणि साडेचौदा वर्षीय मुली गुरुवार (दि.२५) पासून बेपत्ता आहेत. दुपारच्या सुमारास अज्ञानपणाचा फायदा उचलत कुणीतरी त्यांना कसले तरी आमिष दाखवून पळवून नेल्याचा संशय कुटुंबीयांचा आहे.