दरेगाव : चांदवड तालुक्यातील वडगाव पंगू महाराजस्व अभियानांतर्गत वडगाव पंगू येथील आदर्श माध्यमिक विद्यालयातील विद्यार्थ्यांना ११३ विविध प्रकारच्या शासकीय दाखल्यांचे वाटप करण्यात आले.विद्यार्थ्यांना शैक्षणिक कामकाजासाठी विविध दाखल्यांचे वेळोवेळी गरज भासते व हे दाखले काढण्यासाठी ग्रामीण भागातील पालकांचा वेळ वाया जातो व विद्यार्थ्यांनाही त्रास होतो तसेच शैक्षणिक नुकसान होऊ नये. वडगाव पंगू येथे इयत्ता आठवी ते दहावीपर्यंत शिक्षण घेत असलेल्या विद्यार्थ्यांना चांदवडचे तत्कालीन उपविभागीय प्रांताधिकारी सिद्धार्थ भंडारे व तहसीलदार प्रदीप पाटील यांच्या मार्गदर्शनाखाली वडगाव पंगू गावातील आपले सरकार सेवा केंद्र असलेल्या अभियानात वडगाव, रापली, कातरवाडी या गावांतील ११३ विद्यार्थ्यांना वेगवेगळे जातीचे व वय अधिवास प्रमाणपत्र वितरित करण्यात आले.या योजनेत नायब तहसीलदार डॉ. मीनाक्षी गोसावी, हिरे, रायपूरचे सरपंच विलास संसारे व प्रदीप गुंजाळ, तलाठी सालमुठे यांचे सहकार्य लाभले. यावेळी संस्थेचे संस्थापक यावेळी ग्रामस्थ रवींद्र चव्हाण, द्वारकानाथ चव्हाण, कैलास माकुणे, धर्मा चव्हाण, पोपट जाधव, जालिंदर चव्हाण, मुख्याध्यापक शिक्षकेतर, कर्मचारी आदींसह विद्यार्थी व ग्रामस्थ उपस्थित होते.
वडगाव पंगू येथे दाखल्यांचे वाटप
By लोकमत न्यूज नेटवर्क | Updated: January 20, 2020 00:18 IST