इन्फो..
भाजपच्या ‘ओठात एक अन्‌ पोटात एक ’: बडगुजर
दरम्यान, पूल रद्द करण्याच्या वादावरून शिवसेनेचे महानगर प्रमुख सुधाकर बडगुजर यांनी कठोर टीका केली आहे. सिडकोतील उड्डाणपूल स्थगित करण्याचे पत्र म्हणजे भाजपच्या ‘ओठात एक अन्‌ पोटात एक’ अशी अवस्था आहे. उड्डाण पुलाला स्थगिती देण्याचा अधिकार आयुक्तांना नाही तर तो शासनाला आहे. एकीकडे निविदा प्रसिद्ध झाल्यानंतर या पुलाचे श्रेय घेण्यासाठी पुढे आलेल्या भाजपचे आता खरे स्वरूप पुढे आले आहे. या पुलाचे भूमिपूजन करण्याचा प्रयत्न भाजपने केल्यास तो हाणून पाडला जाईल, असेही बडगुजर यांनी म्हटले आहे.
इन्फो..
काँग्रेसचाही कर्ज काढण्यास विरोध
महापालिकेतील सत्ताधारी भाजपच्या विरोधात आता काँग्रेसही सरसावली असून, महापालिकेला कर्ज काढण्यास शासनाने परवानगी देऊ नये, त्याचप्रमाणे स्मार्ट सिटी कंपनीचे काम असमाधानकारक असल्याने त्यांना देखील निधी देऊ नये, अशी मागणी काँग्रेस पक्षाने केली असल्याचे वृत्त आहे. महसूलमंत्री बाळासाहेब थोरात यांनी नाशिकमध्ये पदाधिकाऱ्यांची बैठक घेतली. यावेळी त्यांनी ही मागणी केल्याचे वृत्त आहे.