डेबिट कार्डचा गैरवापर करून पैशांचा अपहार

नाशिक : डेबिट कार्डचा गैरवापर करून सीडीएम मशीनमधून दोघांच्या खात्यातील पैसे परस्पर काढून फसवणूक केल्याचा प्रकार स्टेट बँक आॅफ इंडियाच्या सीबीएस मुख्य शाखेजवळील एटीएममध्ये घडला आहे़

ठळक मुद्देडेबिट कार्डचा गैरवापर करून २० हजार रुपये काढून घेतले़भद्रकाली पोलीस ठाण्यात फिर्याद दिली

नाशिक : डेबिट कार्डचा गैरवापर करून सीडीएम मशीनमधून दोघांच्या खात्यातील पैसे परस्पर काढून फसवणूक केल्याचा प्रकार स्टेट बँक आॅफ इंडियाच्या सीबीएस मुख्य शाखेजवळील एटीएममध्ये घडला आहे़ या प्रकरणी भद्रकाली पोलीस ठाण्यात दोन संशयितांविरोधात फसवणुकीचा गुन्हा दाखल करण्यात आला आहे़ म्हसरूळमधील कृष्णा व्हॅलीतील रहिवासी गिरीश कुकरेजा यांनी दिलेल्या फिर्यादीनुसार, ५ व ६ मार्च रोजी सीबीएसजवळील स्टेट बँक आॅफ इंडियाच्या मुख्य शाखेतील चालू बँक खाते क्रमांक ३५३२४०३७५५८ यामधून अज्ञात संशयिताने कुकरेजा यांच्या डेबिट कार्डचा गैरवापर करून २० हजार रुपये काढून घेतले़ ही बाब कुकरेजा यांच्या लक्षात येताच त्यांनी तत्काळ भद्रकाली पोलीस ठाणे गाठून फिर्याद दिली़ दुसरी फसवणुकीची घटना याच दिवशी याच ठिकाणी घडली़ सिन्नर तालुक्यातील दोडी खुर्द येथील रहिवासी भारत साबळे यांच्या बचत खात्यातून ३४४३२८७६४४० मधून डेबिट कार्डचा उपयोग न करता संशयिताने ५ व ६ मार्च रोजी सीबीएसजवळील स्टेट बँक आॅफ इंडियाच्या मुख्य शाखेतील सीडीएम मशीनमधून परस्पर १४ हजार ५०० रुपये काढून घेतले़ या प्रकरणी साबळे यांनी भद्रकाली पोलीस ठाण्यात फिर्याद दिली आहे़