जिल्ह्यातील चार हजार प्रकरणांचा निपटारा

राज्य विधी सेवा प्राधिकरण यांच्या आदेशानुसार आज जिल्हाभरात लोकअदालतींचे नियोजन करण्यात आले होते. वाघवसे यांच्या हस्ते या लोकअदालतीचा शुभारंभ शनिवारी करण्यात आला. दिवसभर विविध न्यायालयांमध्ये कोविड- १९ बाबतच्या सर्व नियमांचे पालन करून लोकअदालत पार पडली. या लोकअदालतीत जिल्हाभरातील प्रलंबित प्रकरणांपैकी ७ हजार ३१० प्रकरणे ठेवण्यात आली होती. दावा पूर्व दाखल प्रकरणांमधील २० हजार २४६ प्रकरणे ठेवण्यात आली होती. कलम १३८ ची ९२६, फौजदारी ३८७, बँकेची ७१, मोटार अपघाताची १४७, कामगारविषयक ४, कौटुंबिक वादाची ८८, भूसंपादनाची ६ व दिवाणी १०१ अशी १ हजार ७३० प्रकरणे यात निकाली निघाली. तसेच दावा दाखल पूर्व २ हजार २१४ प्रकरणे निकाली काढण्यात आली, अशा प्रकारे एकूण ३ हजार ९४४ प्रकरणांचा निपटारा झाला. एकूण २५ कोटी ८९ लाख ७० हजार २९७ रुपयांच्या रकमेची तडजोड होऊन रक्कम वसूल करण्यात आली. जिल्हा विधी सेवा प्राधिकरणचे सचिव प्रसाद कुलकर्णी यांनी लोकअदालतीत सहभागी सर्व न्यायाधीश, अधिकारी, वकील व पक्षकारांचे आभार मानले.