सहाय्यक पोलीस निरीक्षक वावी पोलीस स्टेशन व त्यांचे पथक यांनी वावी पोलीस स्टेशन हद्दीतील सर्व गावांमध्ये होतकरू तरुणांचे ग्राम रक्षक दलाची पुनर्स्थापना केली. याच ग्राम रक्षक दलातील सदस्याकडून मिळालेल्या गुप्त माहितीच्या आधारे सहा. पोलीस निरीक्षक कोते यांनी तपासाचे चक्र फिरवून कोळपेवाडी ,(ता. कोपरगाव जि. अहमदनगर) येथील इसम रवी अबरसिंग मुळेकर (३१) व नीलेश अशोक कोळेकर (१९ ) या दोन संशयितांना ताब्यात घेतले व त्यांना मोटर चोरी बाबत विचारपूस केली असता, त्यांनी उडवाउडवीची उत्तरे दिली पण, त्यांना पोलिसी खाक्या दाखवताच त्यांनी मोटर चोरी बाबत कबुली देऊन चोरी केलेल्या मोटर या भंगार व्यापारी वशीर फतू शेख (रा. कोळगावमाळ ता. सिन्नर) यांना विक्री केलेबाबत सांगितले. वावी पोलीस स्टेशनकडील पथकाने वशीर फतू शेख याच्या घरी जाऊन घरझडती घेतली असता विक्रीच्या उद्देशाने १८ इलेक्ट्रिक मोटारीचे मोकळे केलेले सुट्टे पार्ट मिळून आले. त्याआधारे वावी पोलीस ठाण्यात गुन्हा दाखल केला आहे. सदर कामगिरीमध्ये पोलीस उपनिरीक्षक विजय सोनवणे, नितीन जगताप, पंकज मोढे, प्रकाश उंबरकर, सोपान शिंदे, गोविंद सूर्यवाड सहभागी झाले होते.
इन्फो
मोटर चोरीच्या प्रमाणात वाढ
सिन्नर तालुक्यातील वावी पोलीस स्टेशन हद्दीत ४४ गावे आहेत. वावी हा ग्रामीण भाग असल्याने भौगोलिक दृष्ट्या पोलीस स्टेशनची हद्द मोठी आहे. अशा परिस्थितीत काही गुन्हेगार प्रवृत्तीचे इसम शेतकऱ्यांचे शेतातील विहिरीवरील इलेक्ट्रिक मोटर चोरून नेतात. सदर परिसरात काही दिवसापासून इलेक्ट्रिक मोटर चोरीचे प्रमाणात वाढ झाल्याने वाढत्या चोरीचे गुन्ह्यांना प्रतिबंध होणेसाठी नाशिक ग्रामीण जिल्ह्याचे पोलीस अधीक्षक सचिन पाटील यांनी सराईत गुन्हेगारांचा शोध घेण्यासाठी मार्गदर्शन करून गुन्हे उघडकीस आणण्यासाठी पोलिसांना सूचना दिल्या होत्या. त्यानुसार वावी पोलीस ठाण्याचे सहा. पोलीस निरीक्षक सागर कोते व पथकाने वावी पोलीस ठाण्यात दाखल असलेल्या चोरीच्या गुन्ह्यांचा तपास सुरू केला.
फोटो - २० सिन्नर क्राइम
सिन्नर तालुक्यातील वावी पोलिसांच्या पथकाने विद्युत मोटारी चोरणाऱ्या संशयितांना अटक केली. यावेळी पोलीस अधीक्षक सचिन पाटील, सहाय्यक निरीक्षक सागर कोते, उपनिरीक्षक विजय सोनवणे, नितीन जगताप, पंकज मोढे, प्रकाश उंबरकर, सोपान शिंदे, गोविंद सूर्यवाड आदी.
200821\20nsk_34_20082021_13.jpg
फोटो - २० सिन्नर क्राइम