नाशिक : दररोज भल्या पहाटे घरोघरी जाऊन वृत्तपत्र पोहचविणाऱ्या तरुणांसाठी आजचा दिवस गोड ठरला. आपले दैनंदिन कर्तव्य बजावून आलेल्या या मुलांना दिवाळीची गोड भेट मिळाली. शहर वृत्तपत्र संघटनेच्या वतीने या वृत्तपत्र विक्रेता बांधवांना मिठाईचे वाटप करण्यात आले. वृत्तपत्र विक्रेता संघटनेचे अध्यक्ष चंद्रकांत पवार, सरचिटणीस विनोद पाटील यांच्या संकल्पनेतून हा उपक्रम राबविण्यात आला. यावेळी जयवंत माळी, नितीन पाटील, भरत काळे, राजेंद्र नडगे, रमेश महाले, राहुल दुसिंग, पांडुरंग जाधव, भास्कर निंबाळकर, बाळा आष्टेकर, सुरेश सोनवणे, सोमनाथ खंदारे, शशिकांत कुलकर्णी, पंकज भदाणे, उमेश जोशी, मणियार आदि उपस्थित होते. (प्रतिनिधी)
वृत्तपत्र विक्रेता संघटनेतर्फे मिठाईचे वाटप
By admin | Updated: October 31, 2016 01:41 IST