ठेवीदारांचे पैसे अडकले

बढेला चार दिवसांची पोलीस कोठडी कर्जदार फ सवणूक प्रकरण : ठेवीदारांचे पैसे अडकले

  नाशिक : कर्जाच्या मागणीसाठी पतसंस्थेत दिलेल्या कागदपत्रांवर परस्पर कर्ज काढून कर्जदाराची फ सवणूक करणारे बढे पतसंस्थेचे संस्थापक अध्यक्ष चंद्रकांत हरी बढे यांना नाशिक न्यायालयाने २६ आॅगस्टपर्यंत पोलीस कोठडी सुनावली़ बढे यांनी गैरमार्गाने दिलेल्या कर्जप्रकरणाच्या चौकशीसाठी पोलीस कोठडी मिळावी, अशी मागणी पोलिसांनी न्यायालयाकडे केली होती़ सिडको परिसरातील महाजननगरमध्ये असलेल्या बढे पतसंस्थेच्या शाखेत श्रीधर ढाकणे यांनी वर्षभरापूर्वी दहा लाख रुपये कर्ज मिळावे, यासाठी अर्ज केला़ त्यासाठी आवश्यक कागदपत्रेही पतसंस्थेत जमा केली; मात्र त्यांना कर्ज देण्यात आले नाही़ याउलट ढाकणे यांनी कर्जासाठी जमा केलेल्या कागदपत्रांवर खोट्या स्वाक्षऱ्या करून परस्पर सुमारे ५० लाख रुपयांचे कर्ज काढण्यात आले़ या कर्जाच्या थकीत हप्ता वसुलीसाठी ढाकणे यांच्या घरी पतसंस्थेतील कर्मचाऱ्यांनी तगादा लावल्यानंतर हा प्रकार उघडकीस आला़ बढे पतसंस्थेकडून कर्ज घेतलेले नसतानाही ५० लाखांची थकबाकी आपल्या नावावर कशी? असा प्रश्न ढाकणे यांना पडला़ या कर्जप्रकरणामुळे अडचणीत आलेल्या ढाकणे यांनी कागदपत्रांची तपासणी केली असता आपल्या नावावर परस्पर कर्ज काढल्याचे, तसेच कागदपत्रांवर खोट्या स्वाक्षऱ्या केल्याचे लक्षात आले़ त्यांनी पतसंस्थेचे संस्थापक अध्यक्ष चंद्रकांत हरी बढे यांच्याविरुद्ध अंबड पोलीस ठाण्यात फ सवणुकीचा गुन्हा दाखल केला़ या गुन्'ात शुक्रवारी बढे यांना पालघर येथून अंबड पोलिसांनी अटक केली़ सहकारमहर्षी चंद्रकांत हरी बढे पतसंस्थेच्या जळगाव, धुळे जिल्'ांसह संपूर्ण राज्यात शाखा आहेत. यामध्ये हजारो ठेवीदारांचे पैसे अडकून पडले असून अशाच प्रकारे अनेकांना गैरमार्गाने कर्ज दिल्याची शक्यता असून, पोलिसांनी बढे यांच्या पोलीस कोठडीची मागणी केली़ दरम्यान, या प्रकरणी न्यायालयाने २६ आॅगस्टपर्यंत बढे यांना पोलीस कोठडीत ठेवण्याचे आदेश दिले आहेत़(प्रतिनिधी)