देवळाली कॅम्पला बंद घर फोडले

याप्रकरणी किशार आनंदा ससाणे (रा. गुरूद्वारारोड, सरकारी क्वाॅर्टर) यांनी देवळाली कॅम्प पोलीस ठाण्यात तक्रार दाखल केली आहे. त्यानुसार ससाणे कुटुंबीय हे त्यांच्या नातेवाईकांकडे धुळे येथे गेले होते. रविवारी ते पुन्हा राहत्या घरी परतले असता त्यांना घराच्या मुख्य दरवाजाचे कुलूप तोडलेले आढळून आले. यामुळे ससाणे यांना संशय आल्याने त्यांनी त्वरित दरवाजाची कडी उघडून घरात प्रवेश केला असता लोखंडी कपाट फोडलेले दिसले. कपाटात ठेवलेले ४१ हजार ८०० रुपये किंमतीचे १ तोळे ७०० ग्रॅम वजनाचे सोन्याचे नवीन नेकलेस, ३९ हजार ५५० रुपये किंमतीचे १ तोळा ७३० मिली ग्रॅम वजनाचे सोन्याचे नवीन मंगळसूत्र ३ ग्रॅम वजनाची सोन्याची १५ हजार २५० रुपये किमतीची सोन्याची अंगठी असा एकुण ९६ हजार ७०० रुपयांचे दागिने चोरट्यांनी लुटल्याचे फिर्यादीत म्हटले आहे. याप्रकरणी देवळाली कॅम्प पोलीस ठाण्यात घरफोडीचा गुन्हा दाखल करण्यात आला आहे.